ଅଫୁଟା ବୋମା ଜବତ

ଚାନ୍ଦବାଲି  (ବଡ଼ ଖବର ବ୍ୟୁରୋ): ଦୁଇ ଅଫୁଟା ବୋମା ଉଦ୍ଧାର କଲା ଚାନ୍ଦବାଲି ପୋଲିସ । କଟକ ମୁଖ୍ୟ ରାସ୍ତାର ଚାନ୍ଦବାଲି ବୈତରଣୀ ବ୍ରିଜ ନିକଟରୁ ୨ ଟି ହାତ ତିଆରି ବୋମା କୁ ଉଦ୍ଧାର କରିଛି ପୋଲିସ । ଆଜି ସକାଳୁ ବ୍ରିଜ ନିକଟକୁ ସ୍ଥାନୀୟ ଅଞ୍ଚଳର ଦୁଇ ଯୁବକ ଯାଇଥିଲେ । ଗୋଟିଏ ବ୍ୟାଗ ରେ ୨ ଟି ହାତ ତିଆରି ଅଫୁଟା ବୋମା ଥିବାର ଦେଖିବାକୁ ପାଇଥିଲେ । ତେବେ ସଙ୍ଗେ ସଙ୍ଗେ ଯୁବକ ଚାନ୍ଦବାଲି ପୋଲିସକୁ ଖବର ଦେଇଥିଲେ ।

ଚାନ୍ଦବାଲି ପୋଲିସ ବ୍ରିଜ ନିକଟରେ ପହଞ୍ଚି ୨ ଟି ହାତ ତିଆରି ବୋମାକୁ ଉଦ୍ଧାର କରିବା ସହ ପାଣିରେ ପକାଇ ବୋମା ଦୁଇଟିକୁ ନିଷ୍କ୍ରିୟ କରିଛନ୍ତି । ତେବେ ଚାନ୍ଦବାଲି ବ୍ଲକର ମତୋ ଫାଣ୍ଡି ଅଞ୍ଚଳରେ ହାତ ତିଆରି ବୋମା ଭିଡା ଯାଏ । ତେଣୁ କେହି କିଛି ମନ୍ଦ ଉଦ୍ଦେଶ୍ୟ ରେ ଏହାକୁ ଆଣି ଥାଇପାରେ ବୋଲି ଚର୍ଚ୍ଚା ହେଉଛି ।