୧୪ ସେବାୟତଙ୍କୁ ପ୍ରଶାସନର ନୋଟିସ୍

ଭୁବନେଶ୍ୱର (ବଡ଼ ଖବର ବ୍ୟୁରୋ): ଭୋକ ଉପାସରେ ପ୍ରଭୁ କପିଳେଶ୍ୱର । ୧୪ ସେବାୟତଙ୍କୁ ପ୍ରଶାସନର ନୋଟିସ୍ । ପ୍ରସିଦ୍ଧ ହାଣ୍ଡିଭଙ୍ଗା ଯାତ ଭଳି ପର୍ବଦିନରୁ ଅପୂଜା ଅବସ୍ଥାରେ, ଭୋକ ଉପାସରେ ଏକାମ୍ର କ୍ଷେତ୍ରର ଆରାଧ୍ୟ ଠାକୁର ପ୍ରଭୁ କପିଳେଶ୍ୱର । ସପ୍ତାହ ହେବ ମନ୍ଦିରରେ ତାଲା ଝୁଲୁଛି । ମନ୍ଦିର ଖୋଲୁନି କି ଠାକୁରଙ୍କ ନୀତିକାନ୍ତି ମଧ୍ୟ କରାଯାଉନାହିଁ । ମନ୍ଦିରରେ ମଙ୍ଗଳ ଆଳତି, ଭୋଗ ରନ୍ଧନ, ପୂଜାର୍ଚ୍ଚନା ଆଦି ନୀତିକାନ୍ତିକୁ ନେଇ ମଲିଆ ଓ ଖୁଣ୍ଟିଆ ସେବାୟତଙ୍କ ମଧ୍ୟରେ ଲାଗି ରହିଥିବା ବିବାଦର ସମାଧାନ ହେଉନାହିଁ ।

ଜିଲ୍ଲା ଓ ମନ୍ଦିର ପ୍ରଶାସନ ସହ ହୋଇଥିବା ବୈଠକ ମଧ୍ୟ ବିଫଳ ହୋଇଛି । ବାରମ୍ବାର ବୈଠକ ବିଫଳ ହେବା ପରେ ଜିଲ୍ଲା ଓ ମନ୍ଦିର ପ୍ରଶାସନ ପକ୍ଷରୁ ୧୪ ଜଣ ସେବାୟତଙ୍କୁ ମନ୍ଦିର ଖୋଲିବା ପାଇଁ ନୋଟିସ ଜାରି କରାଯାଇଛି । ଯଥାଶୀଘ୍ର ମନ୍ଦିର ଖୋଲି ମହାପ୍ରଭୁଙ୍କ ପୂଜାର୍ଚ୍ଚନା କରିବା ସହ ନୀତିକାନ୍ତି ସ୍ୱାଭାବିକ କରିବା ପାଇଁ ନିଦେ୍ର୍ଦଶ ଦିଆଯାଇଛି ।