ଚିନ୍ତା ବଢାଇଲାଣି ଇନଫ୍ଲ୍ୟୁଏଞ୍ଜା ଭୂତାଣୁ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଚିନ୍ତା ବଢାଇଲାଣି ଇନଫ୍ଲ୍ୟୁଏଞ୍ଜା ଭୂତାଣୁ । ଇନଫ୍ଲ୍ୟୁଏଞ୍ଜା ଭୂତାଣୁ ପ୍ରକୋପ ଦିନକୁ ଦିନ ବଢିବାରେ ଲାଗିଛି । ଚିନ୍ତାର ବିଷୟ ଏଚ୩ଏନ୨ ଭୂତାଣୁ ଯୋଗୁ ଦୁଇଜଣଙ୍କର ମୃତ୍ୟୁ ହୋଇଛି । ଜଣେ ବ୍ୟକ୍ତିଙ୍କର ହରିଆଣାରେ ହୋଇଥିବା ବେଳେ ଆଉ ଜଣଙ୍କର ମୃତ୍ୟୁ କର୍ଣ୍ଣାଟକରେ ହୋଇଛି । ଯାହା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ରହିଛି । ସାରା ଦେଶରେ ବର୍ତ୍ତମାନ ଏଚ୩ଏନ୨ ଭୂତାଣୁ ଯୋଗୁ ୯୦ଟି ମାମଲା ସାମ୍ନାକୁ ଆସିଛି । ଭାରତରେ ବର୍ତ୍ତମାନ ଦୁଇ ପ୍ରକାରର ଇନଫ୍ଲ୍ୟୁଏଞ୍ଜା ଭୂତାଣୁ ଏଚ୧ଏନ୧, ଏଚ୩ଏନ୨ ଭୂତାଣୁ ଦେଖିବାକୁ ମିଳିଛି ।

ଏହି ଭାଇରସରେ ମଧ୍ୟ କୋଭିଡ ଭୂତାଣୁ ଭଳି । ଏହା ଦ୍ୱାରା ତଣ୍ଟି ଦରଜ, କାଶ, ଦେହ ଘୋଳାବିନ୍ଧା ହୋଇଥାଏ । ନାକରୁ ପାଣି ମଧ୍ୟ ବାହାରେ । ଏହି ଭାଇରସ ବାରମ୍ବାର ନିଜ ରୂପ ବଦଳାଇ ଥାଏ । ଏଚ୩ଏନ୨ ଯୋଗୁଁ ଶରୀର ରୋଗ ପ୍ରତିରୋଧ ଶକ୍ତି କମିଥାଏ । ଏହି ଭୂତାଣୁ ହଂକଂ ଫ୍ଲୁ ଭାବେ ମଧ୍ୟ ବେଶ ପରିଚିତ । ସେପଟେ ହରିଆଣାରେ ଏହି ଭୂତାଣୁର ମାମଲା ବଢିଚାଲିଛି । ଡାକ୍ତରଖାନାରେ ରୋଗୀଙ୍କ ସଂଖ୍ୟା ୪୦ ପ୍ରତିଶତ ବୃଦ୍ଧି ହୋଇଛି । ସରକାର ତଥା ସ୍ୱାସ୍ଥ୍ୟ ବିଭାଗ ପକ୍ଷରୁ ଏନେଇ ହାଇଆଲର୍ଟ ଜାରି କରାଯାଇଛି ।