କଂଗ୍ରେସ ମୋ କବର ଖୋଳିବାରେ ବ୍ୟସ୍ତ, ମୁଁ ଏକ୍ସପ୍ରେସୱେ ନିର୍ମାଣରେ ବ୍ୟସ୍ତ: ପ୍ରଧାନମନ୍ତ୍ରୀ

କର୍ଣ୍ଣାଟକ (ବଡ଼ ଖବର ବ୍ୟୁରୋ): ରବିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କର୍ଣ୍ଣାଟକର ବେଙ୍ଗାଲୁର–ମହୀଶୂର ଏକ୍ସପ୍ରେସୱେ ଲୋକାର୍ପଣ କରିଛନ୍ତି । ଲୋକାର୍ପଣ ପରେ ସେ ଏକ ସାଧାରଣ ସଭାକୁ ସମ୍ବୋଧିତ କରି କଂଗ୍ରେସକୁ ଟାର୍ଗେଟ କରିଛନ୍ତି । ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ‘କଂଗ୍ରେସ ଏବଂ ଏହାର ସହଯୋଗୀମାନେ ମୋ କବର ଖୋଳିବାରେ ବ୍ୟସ୍ତ ଆଉ ମୁଁ ବେଙ୍ଗାଲୁରୁ-ମହୀସୁର ଏକ୍ସପ୍ରେସୱେ ନିର୍ମାଣରେ ବ୍ୟସ୍ତ । ୨୦୧୪ ମସିହା ପୂର୍ବରୁ କଂଗ୍ରେସ ସରକାର କେବଳ ଗରିବ ପରିବାରକୁ ଧ୍ୱଂସ କରିବା ପାଇଁ କାର୍ଯ୍ୟ କରିଥିଲେ ଏବଂ ସେମାନଙ୍କ ବିକାଶ ଅଥକୁ ଲୁଟି ନେଇଥିଲେ।

ଅନ୍ୟପଟେ କହିଛନ୍ତି ଏକ୍ସପ୍ରେସୱେ ଖୋଲିବା ସହିତ ବେଙ୍ଗାଲୁରୁ ଏବଂ ମହୀଶୂର ମଧ୍ୟରେ ଯାତ୍ରା ସମୟ ପ୍ରାୟ ୩ ଘଣ୍ଟାରୁ ଏବେ ୭୫ ମିନିଟକୁ ହ୍ରାସ ପାଇବ। ଏହି ପ୍ରକଳ୍ପରେ, ଏନଏଚ-୨୭୫ ର ବେଙ୍ଗାଲୁରୁ-ନିଗଡାଟା-ମାଇସୋର ବିଭାଗକୁ ୬-ଲେନିଂ କରାଯାଇଛି। ଏହି ଏକ୍ସପ୍ରେସ ୱେ ଉଭୟ ସହରରେ ସାମାଜିକ-ଅର୍ଥନୈତିକ ବିକାଶ ପାଇଁ ଏକ ମାଧ୍ୟମ ଭାବରେ କାର୍ଯ୍ୟ କରିବ। ଡବଲ ଇଞ୍ଜିନ ସରକାର କର୍ଣ୍ଣାଟକବାସୀଙ୍କ ପ୍ରେମକୁ ଆଗ୍ରହର ସହିତ ପରିଶୋଧ କରିବେ। ଆଜି ଏହି ଏକ୍ସପ୍ରେସୱେର ଉଦଘାଟନ ପାଇଁ ଦେଶର ଯୁବକମାନେ ଗର୍ବିତ। ଦେଶରେ ଏଭଳି ବହୁ ଏକ୍ସପ୍ରେସୱେ ନିର୍ମାଣ କରାଯିବ।