ଅବକି ବାର ନବେ ପାର
ଭୁବନେଶ୍ୱର (ବଡ଼ ଖବର ବ୍ୟୁରୋ): ଦେଶରେ କ୍ରମାଗତ ଭାବେ ବଢ଼ିବାରେ ଲାଗିଛି ପ୍ରାକୃତିକ ତୈଳ ଦର । ପେଟ୍ରୋଲ ଦର ଦିନକୁ ଦିନ ବଢ଼ିବାରେ ଲାଗିଛି । ଦେଶର ବିଭିନ୍ନ ସହରରେ ୯୦ରୁ ଅଧିକ ଟଙ୍କା ରହିଛି ପେଟ୍ରୋଲ ଦର । ଯାହାକି ସିଧା ଗାଡ଼ି ଚାଳକଙ୍କ ପକେଟରେ ହୋଇଛି ମହଙ୍ଗା ମାଡ଼ । ଅମରାବତୀରେ ପେଟ୍ରୋଲ ଦର ୯୧ ଟଙ୍କା ୧୭ ପଇସା ରହିଥିବା ବେଳେ ଭୋପାଳରେ ୯୦.୭୩, ଇନ୍ଦୋରରେ ୯୦.୮୯, ଜୟପୁରରେ ୯୦.୪୩, ଜଲଗାଓଁରେ ୯୦.୯୭, ଯୋଦ୍ଧପୁରରେ ୯୦.୨୭, କୋଲ୍ଲାପୁରରେ ୯୦.୦୨, ଉଦୟପୁରରେ ୯୧.୧୭ ଟଙ୍କା ରହିଛି । ଦିଲ୍ଲୀରେ ୮୨.୮୬ ରହିଥିବା ବେଳେ ଭୁବନେଶ୍ୱରରେ ୮୪ ଟଙ୍କା ୪ ପଇସା ରହିଛି । ପ୍ରତିଦିନ ଦର ବଢ଼ୁଥିବା ଦେଖିବାକୁ ମିଳୁଛି । ତେବେ ରାଜ୍ୟରେ ମଧ୍ୟ ଖୁବଶିଘ୍ର ୯୦ ପାର ହୋଇପାରେ ବୋଲି ସାଧାରଣରେ ଚର୍ଚ୍ଚା ହେଉଛି ।