ଧରାପଡିଲେ ଦୁର୍ବୃତ୍ତ

ସୋର (ବଡ଼ ଖବର ବ୍ୟୁରୋ): ଧରାପଡିଲେ ୩ଜଣ କୁଖ୍ୟାତ ଅପରାଧୀ । ସେମାନେ ହେଲେ ସୋର ଥାନା ଭିମେଇ ଅଞ୍ଚଳର ଭରତ ଦାଶ, ରମେଶ ମଲ୍ଲିକ ଓ ନୀଳଗିରି ଅଞ୍ଚଳର ଅଜୟ ସିଂ । ସେମାନଙ୍କ ନିକଟରୁ ୫୦୦ ଗ୍ରାମ ରୁପା, ୨ଟି ମୋବାଇଲ, ୨ଟି ବାଇକ ଓ ନଗଦ ୪୯୦୦ ଟଙ୍କା ଜବତ କରିଛି ସୋର ପୋଲିସ । ଉକ୍ତ ଘଟଣାରେ ଯଡିତ ଦୁଇ ଅଭିଯୁକ୍ତ ପପୁ ମଲ୍ଲିକ ଓ ସୁଶାନ୍ତ ମଲ୍ଲିକ ଫେରାର ହୋଇଯାଇଛନ୍ତି । ଉଭୟଙ୍କୁ ଧରିବା ଲାଗି ତନାଘନା କରୁଛି ପୋଲିସ । ୫ଜଣ ଅଭିଯୁକ୍ତଙ୍କ ନାମରେ ପୂର୍ବରୁ ସୋର, ନୀଳଗିରି, ଖନ୍ତପଡ଼ା ଓ ସିମୁଳିଆ ଥାନାରେ ଅଭିଯୋଗ ଥିବା ସୂଚନା ଦେଇଛି ପୋଲିସ ।

ଶନିବାର ରାତିରେ ୧୬ ନମ୍ବର ଜାତୀୟ ରାଜପଥ ନାୟକବନ୍ଧ ଛକ ନିକଟରେ ଡକାୟତି ହୋଇଥିବା ସୋର ଥାନାକୁ ଖବର ଆସିଥିଲା । ସୋର ଆଇଆଇସି ମଧୁମିତାଙ୍କ ନେତୃତ୍ୱରେ ଏଏସଆଇ ପ୍ରାତାପ କାର୍ଲେ, ଏଏସଆଇ ପ୍ରଦୀପ ମହାନ୍ତିଙ୍କୁ ନେଇ ଗଠିତ ଟିମ୍ ଚଢ଼ଉ କରି ଅଭିଯୁକ୍ତଙ୍କୁ ଧରିବାରେ ସଫଳ ହୋଇଥିଲେ । ଧରାହୋଇଥିବା ଦୁଇ ଅଭିଯୁକ୍ତ ଦୁଇମାସ ପୂର୍ବରୁ ଜେଲରୁ ମୁକୁଳିଥିଲେ ।