ଭୁବନେଶ୍ୱର (ବଡ଼ ଖବର ବ୍ୟୁରୋ): ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ବସିଥିଲା ବିଜେଡିର ଗୁରୁତ୍ୱପୂର୍ଣ୍ଣ ବୈଠକ । ବିଭିନ୍ନ ପ୍ରସଙ୍ଗକୁ ନେଇ ହେଉଛି ମାନସ ମନ୍ଥନ । ବିଶେଷ କରି ଝାରସୁଗୁଡା ଉପନିର୍ବାଚନର ରଣନୀତି ଏହି ବୈଠକର ମୁଖ୍ୟ ଆଲୋଚ୍ୟ ବିଷୟ ହୋଇଛି । ବୈଠକରେ ସଂଗଠନ ସମ୍ପାଦକ, ଝାରସୁଗୁଡ଼ା ବିଜେଡି ପର୍ୟ୍ୟବେକ୍ଷକ, ନବ ଦାସଙ୍କ ପୁଅ ବିଶାଲ ଦାସ ପ୍ରମୁଖ ଉପସ୍ଥିତ ଥିଲେ।
ଝାରସୁଗୁଡା ଉପନିର୍ବାଚନ ନେଇ ଖୁବଶୀଘ୍ର ବିଜେଡି କମିଟି ଗଠନ କରିବ। ପ୍ରସନ୍ନ ଆଚାର୍ଯ୍ୟଙ୍କୁ ମିଳିପାରେ ଗୁରୁ ଦାୟିତ୍ୱ। ଝାରସୁଗୁଡା ଉପ ନିର୍ବାଚନରେ ୨୦୨୪ ନିର୍ବାଚନର ଜନତାଙ୍କ ମତାମତ ପ୍ରତିଫଳିତ ହେବ। ରେକର୍ଡ ସଂଖ୍ୟକ ଭୋଟରେ ବିଜେଡି ଯେପରି ଜିତିବ ସେ ସମ୍ପର୍କରେ ଆଲୋଚନା ହୋଇଥିବା ଚର୍ଚ୍ଚା ହେଉଛି ।
