ଟ୍ରେନ୍ ଧକ୍କାରେ ହାତୀ ମୃତ

ଅନୁଗୁଳ(ବଡ଼ ଖବର ବ୍ୟୁରୋ): ଟ୍ରେନ୍ ଧକ୍କାରେ ହାତୀ ମୃତ । ଅନୁଗୁଳ ଜିଲ୍ଲା ଜରପଡା ବନାଞ୍ଚଳ ଜେରେଙ୍ଗ ଦେହୁରୀସାହି ପଠାଣି ବାଙ୍କ ନିକଟରେ ରେଳ ଲାଇନରେ ଟ୍ରେନ ଧକ୍କାରେ ଦନ୍ତା ହାତୀ ମୃତ୍ୟୁବରଣ କରିଛି। ସୂଚନା ଅନୁଯାୟୀ ଗତକାଲି ରାତିରେ ଏକ ଦନ୍ତା ହାତୀ ଗୋଠଖଣ୍ଡିଆ ଦନ୍ତା ଜରପଡା ଷ୍ଟେସନ ଠାରୁ ୨କିଲୋମିଟର ଦୂରରେ ଜେରେଙ୍ଗ ଗ୍ରାମ ସୀମାନ୍ତରେ ରେଳ ଲାଇନ ପାର ହେଉଥିଲା। ଏହି ସମୟରେ ଆସୁଥିବା ଟ୍ରେନ ଦନ୍ତା ହାତୀକୁ ଧକ୍କା ଦେଇଥିଲା। ଘଟଣାସ୍ଥଳରେ ଦନ୍ତାର ମୃତ୍ୟୁ ଘଟିଥିଲା। ସ୍ଥାନୀୟ ଲୋକେ ବନ ବିଭାଗକୁ ଖବର ଦେଇଥିଲା। ବନ ବିଭାଗ ଓ ଜିଆରପି ପୁଲିସ ଘଟଣାର ତଦନ୍ତ ଚଳାଇଛନ୍ତି ।