ସ୍କୁଲର ୩୬ ଲକ୍ଷ ଟଙ୍କା ଆତ୍ମସାତ୍

ବଲାଙ୍ଗୀର(ବଡ଼ ଖବର ବ୍ୟୁରୋ): ପାଟଣାଗଡ ଲାୟନ୍ସ ପବ୍ଲିକ୍ ସ୍କୁଲର ଟଙ୍କା ଆତ୍ମସାତ ଘଟଣାରେ ନୂଆ ଟୁଇଷ୍ଟ । ଲାୟନ୍ସ ଇଣ୍ଟରନ୍ୟାସନାଲର ଉଚ୍ଚ ପଦବୀରେ ଥିବା ଜଣେ ବ୍ୟକ୍ତି ସ୍କୁଲର ୩୬ ଲକ୍ଷ ଟଙ୍କା ନିଜ ବ୍ୟବସାୟିକ ଆକାଉଣ୍ଟକୁ ଟ୍ରାନ୍ସଫର କରିଥିବା ଜଣାପଡିଛି । ପୂର୍ବରୁ ସେ ଲାୟନ୍ସ ପବ୍ଲିକ୍ ସ୍କୁଲର ସଭାପତି ରହିଥିବା ବେଳେ ଏବେ କିନ୍ତୁ ଲାୟନ୍ସ ଇଣ୍ଟରନ୍ୟାସନାଲର ଉଚ୍ଚ ପଦବୀରେ ରହିଛନ୍ତି ।

ହେଲେ ସ୍କୁଲ ଟଙ୍କାକୁ କ’ଣ ପାଇଁ କେଉଁ ଉଦେ୍ଦଶ୍ୟରେ ନିଜ ବ୍ୟବସାୟିକ ଆକାଉଣ୍ଟକୁ ନେଲେ ତାହା ଏବେ ବଡ ପ୍ରଶ୍ନ । ସେପଟେ ସ୍କୁଲ ଟଙ୍କା ଆତ୍ମସାତ ଘଟଣାରେ ପୋଲିସ ପୂର୍ବତନ ସଭାପତି ମନୋଜ ନନ୍ଦ ଓ ଆକାଉଣ୍ଟାଟ ମାନଭଞ୍ଜନ ଠାକୁରକୁ ଜେଲ ପଠାଇଛି । ତେବେ ଘଟଣାରେ ଅନ୍ୟ କେହି ସମ୍ପୃକ୍ତ ଥିବା ଅଭିଯୋଗ ଆସିଲେ ତଦନ୍ତ କରାଯିବ ବୋଲି କହିଛନ୍ତି ପାଟଣାଗଡ ଏସଡିପିଓ ।