ଆଇନଶୃଙ୍ଖଳା, ହତ୍ୟାକାଣ୍ଡ, ଚୋରିକୁ ନେଇ ବନ୍ଦ ଡାକରା

ଦଶପଲ୍ଲା(ବଡ଼ ଖବର ବ୍ୟୁରୋ): ଆଇନଶୃଙ୍ଖଳା ବିପର୍ଯ୍ୟସ୍ତ, ହତ୍ୟାକାଣ୍ଡ, ଚୋରି, ରାହାଜନୀ ବୃଦ୍ଧି ପାଉଥିବା ଅଭିଯୋଗ ୧୦ ଘଣ୍ଟିଆ ଦଶପଲ୍ଲା ବନ୍ଦ । ବନ୍ଦ ଡାକରା ଦେଇଛି ବିଜେପି । ବିଜେପି ଆଦିବାସୀ ମୋର୍ଚ୍ଚାର ରାଜ୍ୟ ସାଧାରଣ ସମ୍ପାଦକ ରାଘବ ମଲ୍ଲିକଙ୍କ ନେତୃତ୍ୱରେ ଏହି ଡାକରା ଦିଆଯାଇଛି । ଦଶପଲ୍ଲା ଥାନା ଆଇଆଇସିଙ୍କ ବଦଳି ଦାବି କରିଛି ଦଳ । ସକାଳ ୭ରୁ ବନ୍ଦ ପାଳନ କରାଯାଇଛି । ଅପରାହ୍ନ ୨ଟା ପର୍ଯ୍ୟନ୍ତ ବନ୍ଦ ରହିବ ସମସ୍ତ ଦୋକାନ ବଜାର ।

ଦଶପଲ୍ଲା ବନ୍ଦ ପୂର୍ବରୁ ପୋଲିସ ହଠାତ୍ ବିଜେପି ନେତା ରାଘବ ମଲ୍ଲିକକୁ ଉଠାଇ ନେବା ସହ ଶୃଙ୍ଖଳା ସ୍ଥିତି ବଜାଇ ରଖିବା ପାଇଁ ପୁରା ସହରରେ ପୋଲିସ ଫ୍ଲାଗ ମାର୍ଚ୍ଚ କରିଛି । ତେବେ ଦଶପଲ୍ଲାରେ ବନ୍ଦର ପ୍ରଭାବ ଦେଖିବାକୁ ମିଳିନାହିଁ । ଦୋକାନ ବଜାର ଖୋଲା ଥିବା ବେଳେ ଗାଡି ଚଳାଚଳ ସ୍ୱାଭାବିକ ରହିଛି । ଗିରଫଦାରୀ ଭୟରେ ଘଟଣା ସ୍ଥଳରୁ ଛତ୍ରଭଙ୍ଗ ଦେଇଛନ୍ତି ବିଜେପିର ନେତା ଓ କର୍ମୀ ।