ମୂର୍ତ୍ତି ଭସାଣିକୁ ନେଇ ମରଣାତ୍ମକ ଆକ୍ରମଣ

କଟକ (ବଡ଼ ଖବର ବ୍ୟୁରୋ): ଦୁର୍ଗା ମୂର୍ତ୍ତି ଭସାଣିକୁ ନେଇ ମରଣାତ୍ମକ ଆକ୍ରମଣ । ପୋଲିସ ପ୍ରଶାସନର ହାମ୍ବଡା ନୀତି ପାଇଁ କିଶନନଗର ଭୋଇ ସାହିର ଜଣେ ଯୁବକକୁ ମରଣାତ୍ମକ ଆକ୍ରମଣ ହୋଇଥିବା ଅଭିଯୋଗ ହୋଇଛି । କିଶନନଗରରେ ଦଶରୁ ଅଧିକ ମୂର୍ତ୍ତି ପୂଜା ପାଆନ୍ତି। ପ୍ରତିବର୍ଷ କିଶନ ନଗର ଥାନାରେ ଶାନ୍ତି କମିଟି ଗଠନ କରାଯାଇଥାଏ ।

କିନ୍ତୁ ପୋଲିସ ପ୍ରଶାସନ ଏ ବର୍ଷ ଶାନ୍ତି କମିଟି ବୈଠକ ଡାକି ନଥିଲା । ଭସାଣି ବେଳେ ସାମାନ୍ୟ ବଚସାକୁ ନେଇ ଆଜି ସକାଳୁ ଗୁରୁଚରଣ ଭୋଇକୁ ମରଣାତ୍ମକ ଆକ୍ରମଣ ହୋଇଥିବା ସ୍ଥାନୀୟ ଥାନାରେ ଅଭିଯୋଗ ହୋଇଛି ।