କଳାହାଣ୍ଡି, ସିମନବାଡ଼ିରେ ପୁଣି ଲାଗିଲା ମାଓ ପୋଷ୍ଟର
କଳାହାଣ୍ଡି,ବାଲିଗୁଡ଼ା (ବଡ଼ ଖବର ବ୍ୟୁରୋ): ପୁଣି ନିଜର ସ୍ଥିତି ଜାହିର କଲେ ମାଓବାଦୀ । କଳାହାଣ୍ଡି ଜିଲ୍ଲା ଏମ୍ ରାମପୁରରେ ଲାଗିଲା ମାଓ ପୋଷ୍ଟର। ଏମ୍ ରାମପୁର ଥାନା ଡମ୍ବକରଲାଖୁଣ୍ଟା, ମାଣିକେରା ପଞ୍ଚାୟତର ବିଭିନ୍ନ ସ୍ଥାନରେ ଲାଗିଛି ମାଓ ପୋଷ୍ଟର । କେକେବିଏନ ଡିଭିଜିନାଲ କମିଟି ପକ୍ଷରୁ ଲାଗିଛି ଏହି ମାଓ ପୋଷ୍ଟର। ପୋଲିସ ଇନଫରମର କାମ କରନ୍ତୁ ନାହିଁ। ପୋଲିସ ଓ ଗୁଇନ୍ଦା ଅଫିସର ଭୟ ର ଚାପ ଓ ପ୍ରଲୋଭନରେ ପଡନ୍ତୁ ନାହିଁ। ଗାଁ ଗାଁ ରେ ଥିବା ପୋଲିସ ସୂଚନାଦାତାଙ୍କୁ ଚିହ୍ନଟ କରି ମାଓବାଦୀ ପାର୍ଟିକୁ ସୂଚନା ଦିଅନ୍ତୁ, ପାର୍ଟି ବିରୁଦ୍ଧରେ ଓ ପୋଲିସକୁ ସୂଚନା ଦେବା ପାଇଁ କହୁଥିବା ବ୍ୟକ୍ତିକୁ ବିରୋଧ କରିବା ପାଇଁ ଏହି ପୋଷ୍ଟରରେ ଉଲ୍ଲେଖ ରହିଛି।
ଗତ ୯ତାରିଖ ଦିନ ଏମ୍ ରାମପୁର ଥାନା ଅନ୍ତର୍ଗତ ଟାପରାଙ୍ଗ ଜଙ୍ଗଲରେ ମାଓବାଦୀ ଓ ଯବାନ ମଧ୍ୟରେ ହୋଇଥିବା ଗୁଳି ବିନିମୟରେ ୩ଜଣ ମାଓବାଦୀ ନିହତ ହୋଇଥିବା ବେଳେ ଜଣେ ଏସଆଇଡବ୍ଳୁ ର ଡିଏସପି ଗୁରୁତର ଆହତ ହୋଇଥିଲେ। ପରେ ମାଓବାଦୀମାନେ ରକ୍ତମୁଖା ହୋଇ ପୋଷ୍ଟର ଲଗାଇଥିବା ଆଲୋଚନା ହେଉଛି। ସେପଟେ ଦାରିଙ୍ଗବାଡ଼ି ଥାନ ୫୯ ନମ୍ବର ଜାତୀୟ ରାଜପଥ ସିମନବାଡିର ଟୋଲଗେଟ ଓ ବୁଡ଼ାଗୁଡ଼ା ଛକରେ ଲାଗିଛି ମାଓ ପୋଷ୍ଟର ।
ଏହି ପୋଷ୍ଟରେ ୧୨ଟି ଦାବି ଉପସ୍ଥାପନ କରିବା ସହ ମେ ୮ରୁ ୧୪ ଜୁନ ପର୍ଯ୍ୟନ୍ତ ଅଧିକାର ଅଭିଯାନ ଓ ମେ ୧୫ ତାରିଖ ଦିନ କନ୍ଧମାଳ, କଳାହାଣ୍ଡି, ରାୟଗଡ଼ା ବୌଦ୍ଧ, ନୟାଗଡ଼ , ଗଜପତି ଓ ଗଞ୍ଜାମ ଜିଲ୍ଲାରେ ୨୪ ଘଣ୍ଟିଆ ବନ୍ଦ ଡାକରା ଦେବେ ହୋଲି ଉଲ୍ଲେଖ ଅଛି । ଆଉ ଏହି ବନ୍ଦ ଡାକରା କୁ ସମର୍ଥନ କରି ଧାରଣା, ଅନ୍ଦୋଲୋନ ଓ ରାସ୍ତାରୋକ କରିବା ପାଇଁ ଆହ୍ୱାନ ଦେଇଛନ୍ତି।