୩ ଦୁର୍ଦ୍ଦାନ୍ତ ମାଓବାଦୀ ଗିରଫ

ମାଲକାନଗିରି (ବଡ଼ ଖବର ବ୍ୟୁରୋ):  ୩ ଦୁର୍ଦ୍ଦାନ୍ତ ମାଓବାଦୀ ଗିରଫ। ମାଲକାନଗିରି ସୀମାନ୍ତ ଛତିଶଗଡ଼ ରାଜ୍ୟ କାଙ୍କେର ଜିଲ୍ଲା କୋଇଲିବେଢା ଥାନା ଗୋମେ ଜଙ୍ଗଲରେ ସର୍ଚ୍ଚ ଅପରେସନ କରିଥିଲେ ଯବାନ । ଜଙ୍ଗଲକୁ ଚାରିପଟୁ ଘେରାଉ କରିଥିଲେ ଯବାନ । ମାଓବାଦୀ ସହଯୋଗୀ ପୁନାଓ ରାମ ମାଣ୍ଡାଭି ସମେତ ଦୁଇ ହାର୍ଡକୋର ମାଓବାଦୀ ସାଲିକ ଆଞ୍ଚଲା ଓ ରମେଶ ପୁନେମଙ୍କୁ ଗିରଫ କରିଛି କୋଇଲିବେଢା ପୁଲିସ।

ଉଭୟ ମାଓବାଦୀ ସାଲିକ ଓ ରମେଶ ଉପରେ ୮ ଲକ୍ଷ ଟଙ୍କା ଲେଖାଏଁ ପୁରସ୍କାର ରାଶି ଥିଲା। ମାଓବାଦୀଙ୍କ ନିକଟରୁ ୮ କିଲୋଗ୍ରାମର ଏକ ଆଇଇଡି ବୋମା ସହ ଗୋଟିଏ ଓ୍ବାକିଟକି ମଧ୍ୟ ଜବତ କରିଛି ପୁଲିସ। ଗିରଫ ଦୁଇ ହାର୍ଡକୋର ମାଓବାଦୀଙ୍କ ଠାରୁ କିଛି ଗୁରୁତ୍ଵପୂର୍ଣ୍ଣ ସୂଚନା ମିଳିପାରେ ବୋଲି ପୁଲିସ କହିଛି।