ଅଖାଦ୍ୟ ନେଲା ୩ ନିଷ୍ପାପ ଜୀବନ

ମାଲକାନଗିରି ,(ବଡ଼ ଖବର ବ୍ୟୁରୋ): ବିଷାକ୍ତ ଖାଦ୍ୟ ଖାଇ ଗୋଟିଏ ପରିବାରର ୩ ଶିଶୁଙ୍କର ମୃତ୍ୟୁ ହୋଇଛି । ୨ଜଣ ଗୁରୁତର ଅଛନ୍ତି । ଏଭଳି ଏକ ଅଭାବନୀୟ ଘଟଣା ଘଟିଛି ମାଲକାନଗିରି ଜିଲ୍ଲା କଚଲି ଗାଁରେ । ପରିବାରର ଦୁଇ ଭଉଣୀ ସୁକାନ୍ତି ମାଡି ଓ ଅଞ୍ଜଳି ମାଡିଙ୍କ ସମେତ ଭାଇ ସୀତାରାମ ମାଡିଙ୍କର ମୃତ୍ୟୁ ହୋଇଛି । ଗୁରୁତର ମାଆ ଓ ଅନ୍ୟଜଣେ ଶିଶୁକୁ ଜିଲ୍ଲା ସଦର ଚିକିତ୍ସାଳୟରେ ଭର୍ତ୍ତି କରାଯାଇଛି । ଡାକ୍ତରୀ ଟିମ ଗାଁରେ ପହଁଚି ଚିକିତ୍ସା ଆରମ୍ଭ କରିଛି । ଗତକାଲି ଜଙ୍ଗଲରୁ କରଡି ଆଣି ତାକୁ ସିଝାଇ ପରିବାରର ସମସ୍ତେ ଖାଇଥିଲେ । ଖାଇବା ପରେ ସମସ୍ତଙ୍କର ଝାଡ଼ା, ବାନ୍ତି ଆରମ୍ଭ ହୋଇଥିଲା । ତେବେ ମେଡିକାଲ ନେବା ପୁର୍ବରୁ ଦୁଇ ଭାଉଣୀଙ୍କ ସମେତ ଜଣେ ଭାଇର ମୃତ୍ୟୁ ଘଟିଛି ।