ୟୁଜି ପିଜି ପରୀକ୍ଷା ନେଇ ଆଜି ଆସିବ ଚୂଡ଼ାନ୍ତ ନିଷ୍ପତ୍ତି
ଭୁବନେଶ୍ୱର(ବଡ଼ ଖବର ବ୍ୟୁରୋ): ୟୁଜି ଓ ପିଜି ଫାଇନାଲ ସେମିଷ୍ଟାର ପରୀକ୍ଷା ନେଇ ଆଜି ଅନୁଷ୍ଠିତ ହେବ କୁଳପତି ସମ୍ମିଳନୀ । ଆଜିର ଏହି ବୈଠକରେ ଚୂଡାନ୍ତ ନିଷ୍ପତି ନିଆଯାଇପାରେ । ଭର୍ଚୁଆଲ ମାଧ୍ୟମରେ ବସିବ ବୈଠକ । ବୈଠକରେ ଉଚ୍ଚ ଶିକ୍ଷା ମନ୍ତ୍ରୀ ସଚିବ ଓ କୁଳପତି ମାନେ ଯୋଗ ଦେବେ । ଜୁନ ୧୨ ତାରିଖରେ ଅନୁଷ୍ଠିତ ହୋଇଥିବା କୁଳପତି ସମ୍ମିଳନୀରେ ୟୁଜି ଓ ପିଜି ପରିକ୍ଷା ହେବା ନେଇ ନିଷ୍ପତି ନିଆଯାଇଥିଲା ।
ତେବେ ପରୀକ୍ଷା ଅନଲାଇନରେ ହେବା ନା ଅଫଲାଇନରେ ହେବ ସେ ନେଇ ବିଶ୍ୱବିଦ୍ୟାଳୟ ଗୁଡିକ କଲେଜ ମାନଙ୍କ ସହ ଆଲୋଚନା କରିଛନ୍ତି । ଆଜିର ଏହି ବୈଠକରେ କୁଳପତି ମାନେ ମତ ରଖିବା ପରେ ପରୀକ୍ଷା କିପରି ହେବ ସେନେଇ ନିଷ୍ପତି ନିଆଯିବ ।