ବାଲେଶ୍ୱର(ବଡ଼ ଖବର ବ୍ୟୁରୋ): ବେଧଡକ ଚାଲିଛି ବାଲି ଚୋରା ଚାଲାଣ । ଥମିବାର ନା ନେଉନାହିଁ । ବାଲେଶ୍ଵର ଜିଲ୍ଲା ଜଳେଶ୍ଵର ବ୍ଲକ ଦକ୍ଷିଣ ପ୍ରହରାଜ ପୁର ପଞ୍ଚାୟତରେ ସୁବର୍ଣ୍ଣରେଖାରୁ ବାଲିଚୋରି ବେଳେ ଏନଫୋର୍ସ ମେଣ୍ଟ ଟିମ ଚଢ଼ାଉ କରିଛି । ସାତଟି ଟ୍ରାକ୍ଟର ଜବତ କରିଛି ଟିମ । ବାଲେଶ୍ଵର ଜିଲ୍ଲାର ଜଳେଶ୍ୱର ବ୍ଲକ ଜାମାଳପୁର ବାଲି ସୈରାତକୁ ଛାଡି ଦେଲେ ପ୍ରଶାସନ ପକ୍ଷରୁ ସମସ୍ତ ବାଲି ଖାଦାନ ଗୁଡିକ ବନ୍ଦ ରଖାଯାଇଛି ।
କିନ୍ତୁ ବାଲି ବ୍ୟବସାୟୀମାନେ ରାତିରେ ନଦୀରୁ ବେଆଇନ ଭାବେ ବାଲି ଉଠାଇ ଚଢା ଦରରେ ବିକ୍ରି କରୁଛନ୍ତି। ତେବେ ଏହାକୁ ନେଇ ସ୍ଥାନୀୟ ଅଞ୍ଚଳବାସୀ ବାରମ୍ବାର ଅଭିଯୋଗ କରି ଆସୁଥିବାବେଳ ଜିଲ୍ଲା ପ୍ରଶାସନ ପକ୍ଷରୁ ଦଶଜଣିଆ ପ୍ରତିନିଧି ଦଳ ଦକ୍ଷିଣ ପ୍ରହରାଜପୁର ପଞ୍ଚାୟତରେ ପହଞ୍ଚି ସାତଟି ଟ୍ରାକ୍ଟର ଜବତ କରିଛି ।
