ବିହାର ଶିକ୍ଷା ବିଭାଗର କଡା ଆଦେଶ, ପିନ୍ଧି ପାରିବେ ନାହିଁ ଜିନ୍ସ ଟି-ସାର୍ଟ

ବିହାର(ବଡ଼ଖବର ବ୍ୟୁରୋ):ବିହାର ଶିକ୍ଷା ବିଭାଗ ନିଜର ସମସ୍ତ କର୍ମଚାରୀ ଓ ପଦାଧିକାରୀଙ୍କ ପାଇଁ ଏକ ଜରୁରୀ ନିର୍ଦ୍ଦେଶ ନାମା ଜାରି କରିଛି । ଶିକ୍ଷା ବିଭାଗ ଏହାର ସମସ୍ତ କର୍ମଚାରୀ ଓ ପଦାଧିକାରୀଙ୍କୁ ଜିନ୍ସ ଟି-ସାର୍ଟ ପିନ୍ଧିବା ଉପରେ ରୋକ ଲାଗାଇଛନ୍ତି । ନିର୍ଦ୍ଦେଶ ଅନୁସାରେ ସମସ୍ତେ ଫର୍ମାଲ ଡ୍ରେସ କୋଡ ପିନ୍ଧିିବେ । ଏଥି ନିମନ୍ତେ ଶିକ୍ଷା ବିଭାଗ ତରଫରୁ ଏକ ଲିଖିତ ଆଦେଶ ଜାରି କରାଯାଇଛି । କୌଣସି ପରିସ୍ଥିତିରେ କେହିବି ଜିନ୍ସ ଟି-ସାର୍ଟ ପିନ୍ଧି ପାରିବେ ନାହିଁ । ଏହି ନିର୍ଦ୍ଦେଶ ୨୮ଜୁନ ଠାରୁ ଲାଗୁ ହୋଇଛି ।