ବରୁଣଙ୍କ ତେର୍ଚ୍ଛା ବାଣ
ଲଖିମପୁର(ବଡ଼ ଖବର ବ୍ୟୁରୋ): ଲଖିମପୁର ଘଟଣାକୁ ସାମ୍ପ୍ରଦାୟିକ ଦିଗ ଦେବାକୁ ଚେଷ୍ଟା କରୁଛନ୍ତି କେନ୍ଦ୍ରମନ୍ତ୍ରୀ ଅଜୟ ମିଶ୍ର । ବିଜେପିର ଜାତୀୟ କାର୍ଯ୍ୟନିର୍ବାହୀ ପଦରୁ ଓହରି ଏବେ ବିଜେପି ବିରୋଧରେ କହୁଥିବାର ନଜର ଆସୁଛନ୍ତି ବରୁଣ ଗାନ୍ଧି । ଏକ ମନ୍ତବ୍ୟରେ ଆଜି ଅଜୟ ମିଶ୍ରା ଲଖିମପୁର ଖେରୀରେ ହୋଇଥିବା ଘଟଣାରେ ପ୍ରତିକ୍ରିୟା ରଖି ସେଠାରେ ଥିବା ଚାଷୀଙ୍କୁ ଖଲିସ୍ତାନୀ ବୋଲି କହିଛନ୍ତି ଅଜୟ । ଯାହାକୁ ଟାର୍ଗେଟ କରିଛନ୍ତି ବରୁଣ । ବରୁଣ ଅଜୟଙ୍କ ନାଁ ନନେଇ କହିଛନ୍ତି ଯେ, ଏହି ଘଟଣାକୁ ଏକ ସାମ୍ପ୍ରଦାୟିକ ରଙ୍ଗ ଦିଆଯାଉଛି ।
ତେବେ ଦେଶ ବ୍ୟାପି ଆକ୍ରୋଶ ଏବଂ ସୁପ୍ରିମକୋର୍ଟଙ୍କ ତୀବ୍ର ମନ୍ତବ୍ୟ ପରେ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରାଙ୍କୁ ଦୀର୍ଘ ୧୨ ଘଣ୍ଟାର ମାରାଥନ ଜେରା ପରେ ଗିରଫ କରିଛି ପୋଲିସ । ତେବେ ଏହା ଆଗରୁ ମଧ୍ୟ ବରୁଣ ଲଖିମପୁର ଘଟଣାରେ ବିଜେପିକୁ ଟାର୍ଗେଟ କରିଛନ୍ତି । ଏହି ଘଟଣା ପାଇଁ ସମ୍ପୂର୍ଣ୍ଣ ଦେଶ ଏବେ ସଂଗ୍ରାମ କରୁଛି ବୋଲି କହିଛନ୍ତି ବରୁଣ ।
An attempt to turn #LakhimpurKheri into a Hindu vs Sikh battle is being made. Not only is this an immoral & false narrative, it is dangerous to create these fault-lines & reopen wounds that have taken a generation to heal.We must not put petty political gains above national unity
— Varun Gandhi (@varungandhi80) October 10, 2021
ସେହିପରି କେନ୍ଦ୍ରର ନୂତନ ଚାଷି ଆଇନ ବିରୋଧରେ ଚାଲିଥିବା ଆନ୍ଦୋଳନ ସମୟରେ ବରୁଣ ଗାନ୍ଧୀ କ୍ରମାଗତ ଭାବରେ ଚାଷୀଙ୍କ ସମର୍ଥନରେ କହୁଛନ୍ତି। କେବଳ ଏତିକି ନୁହେଁ ଲଖିମପୁର ହିଂସା ଘଟଣାରେ, ସେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଚିଠି ଲେଖି ସିବିଆଇ ଯାଞ୍ଚ ଏବଂ ମୃତ ଚାଷୀଙ୍କ ପରିବାର ପାଇଁ ୧ କୋଟି କ୍ଷତିପୂରଣ ମାଗିଛନ୍ତି।