ବାହାନଗା ଟ୍ରେନ ଟ୍ରାଜେଡି

କେନ୍ଦ୍ରାପଡା(ବଡ଼ ଖବର ବ୍ୟୁରୋ): ବାହାନଗା ଟ୍ରେନ ଟ୍ରାଜେଡି । ଗତମାସ ଦୁଇ ତାରିଖରେ ଘଟିଥିବା ବାହାନାଗା ଟ୍ରେନ ଦୁର୍ଘଟଣାରେ ପ୍ରାଣ ହରାଇଥିବା କେନ୍ଦ୍ରାପଡା ରାଜକନିକାର ପୁରୁଷତ୍ତମ ମହାନ୍ତିଙ୍କ ମୃତଦେହ ଗତକାଲି ତାଙ୍କ ଗାଁରେ ପହଞ୍ଚିଛି ।

ଫଳରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି । ଖବରରୁ ପ୍ରକାଶ ଯେ ଦୁର୍ଘଟଣା ଘଟିବା ପରେ ମୃତକଙ୍କ ପରିବାର ଲୋକେ ମୃତଦେହ ଚିହ୍ନଟ ପାଇଁ ଏମ୍‌ସ ଯାଇ ସେଠାରେ ରକ୍ତ ନମୁନା ପରୀକ୍ଷା ପାଇଁ ଦେଇଥିଲେ ।

ଏହାପରେ ଭୁବନେଶ୍ୱର ଏମ୍‌ସରୁ ପୁରୁଷତ୍ତମଙ୍କ ମୃତଦେହକୁ ଚିହ୍ନଟ କରିଥିଲେ । ଏହାପରେ ବିଏମସି ପକ୍ଷରୁ ଏକ ସ୍ୱତନ୍ତ୍ର ଗାଡି ଯୋଗେ ପୁରୁଷୋତ୍ତମଙ୍କ ମୃତଦେହକୁ ତାଙ୍କ ଗ୍ରାମ ଏଣ୍ଡୁଳାପୁରକୁ ପଠାଯିବା ସହ ରେଳବିଭାଗ ପକ୍ଷରୁ ତାଙ୍କ ପତ୍ନୀଙ୍କୁ ଦଶ ଲକ୍ଷ ଟଙ୍କାର ଅନୁକମ୍ପା ମୂଳକ ସହାୟତା ପ୍ରଦାନ କରାଯାଇଥିଲା ।