ପୁଣି ଠାବ ହେଲା ନକଲି ମସଲା

କଟକ(ବଡ଼ ଖବର ବ୍ୟୁରୋ): କଟକରେ ପୁଣି ଠାବ ହେଲା ନକଲି ମସଲାର ପସରା । ପ୍ରାୟ ୨୦ କ୍ୱିଣ୍ଟାଲର ଅପମିଶ୍ରିତ ଲଙ୍କା, ହଳଦୀ, ଧନିଆ ପାଉଡର ଆଦି ମସଲା ଠାବ ହୋଇଛି । ଉଭୟ ମାଲଗୋଦାମ ଥାନା ପୋଲିସ ଓ ସିଏମସି ଫୁଡ ସ୍କ୍ୱାର୍ଡ ଚଢାଉ କରି ଏହି ନକଲି ମସଲା କାରଖାନାକୁ ଠାବ କରିଛି ।

ବିଭିନ୍ନ ମସଲାରେ ରାସାୟନିକ ରଙ୍ଗ ମିଶ୍ରଣ କରି ନକଲି ମସଲା ପ୍ରସ୍ତୁତ କରି ଏହି କମ୍ପାନୀ ବଜାରରେ ବିକ୍ରି କରୁଥିଲା । ଦୀର୍ଘ ୬ବର୍ଷ କାଳ ଏହି ନକଲି ମସଲା କମ୍ପାନୀ ଚାଲିଥିଲା । ଜବତ ନକଲି ମସଲାର ମୂଲ୍ୟ ୫୦ଲକ୍ଷ ଟଙ୍କା ହେବ ବୋଲି ସ୍ୱାସ୍ଥ୍ୟ ବିଭାଗ କହିଛି । ଜବତ ନକଲି ସାମଗ୍ରୀକୁ ପରୀକ୍ଷା ପାଇଁ ଲାବରଟୋରିକୁ ପଠାଯାଇଛି ।