![](https://i0.wp.com/badakhabar.in/wp-content/uploads/2023/07/Udhav-thaker-.jpg?fit=1920%2C1080&ssl=1)
ମୁମ୍ବାଇ (ବଡ଼ ଖବର ବ୍ୟୁରୋ): ୨୦୨୪ ନିର୍ବାଚନକୁ ନେଇ ଲାଗି ରହିଛି ଛକାପଞ୍ଝା । ନର୍ବାଚନକୁ ନେଇ ମହାରାଷ୍ଟ୍ର ରାଜନୀତି ସରଗରମ ହୋଇଛି । ଏହାରି ଭିତରେ ଶିବସେନା (ୟୁବିଟି) ମୁଖ୍ୟ ଉଦ୍ଧବ ଠାକରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କୁ ପ୍ରଶଂସା କରିଛନ୍ତି । ସେ ଅଜିତଙ୍କୁ ଜଣେ ସଚ୍ଚୋଟ ଏବଂ ଦକ୍ଷ ପ୍ରଶାସକ ବୋଲି କହିଛନ୍ତି । ଶିବସେନା (ୟୁବିଟି) ଦଳର ମୁଖପାତ୍ର ସାମ୍ନାରେ ପ୍ରକାଶିତ ଏକ ସାକ୍ଷାତକାରରେ ଉଦ୍ଧବ ଠାକ୍ରେ କହିଛନ୍ତି, ଅଜିତ ପାୱାର ସଚ୍ଚୋଟ ଭାବରେ କାର୍ଯ୍ୟ କରନ୍ତି। ଏମଭିଏ ସରକାରର ଅଂଶ ଥିବାବେଳେ ସେ ତାଙ୍କ ବିଭାଗଗୁଡ଼ିକୁ ଭଲ ଭାବରେ ପରିଚାଳନା କରିଥିଲେ ।
ମୁଁ ଭାବୁଛି ବର୍ତ୍ତମାନର ସରକାରରେ ଏହି ବ୍ୟକ୍ତିଙ୍କଠାରୁ କିଛି ଭଲ ଆସିପାରେ। ବର୍ଷେ ହେବ ମହାରାଷ୍ଟ୍ରର ରାଜନୀତିରେ ଅନେକ ପରିବର୍ତ୍ତନ ହୋଇଛି । ଗତ ବର୍ଷ ଜୁନ ମାସରେ ରାଜ୍ୟ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଦଳ ଶିବସେନାରେ ବିଦ୍ରୋହ ପରେ ଏମ୍ଭିଏ ସରକାର ଅସୁବିଧାର ସମ୍ମୁଖୀନ ହୋଇଥିଲେ । ଏବଂ ଦଳର ଅଧିକାଂଶ ସଦସ୍ୟ ଏକନାଥ ଶିନ୍ଦେ ଦଳର ନେତୃତ୍ୱ ଗ୍ରହଣ କରିଥିଲେ।