ବନ୍ୟାଜଳ ଘେରରେ ଦଶରଥପୁର

ଦଶରଥପୁର (ବଡ଼ ଖବର ବ୍ୟୁରୋ): ବୈତରଣୀ ନଦୀରେ ବନ୍ୟା ଯୋଗୁ ବିଭିନ୍ନ ଗାଁ ଏବେ ଜଳ ବନ୍ଧୀ ଅବସ୍ଥାରେ ଦେଖିବାକୁ ମିଳିଛି । ଯାଜପୁର ଜିଲ୍ଲା ଦଶରଥପୁର ବ୍ଲକ ଅଞ୍ଚଳରେ ୧୫ ରୁ ଅଧିକ ପଞ୍ଚାୟତ ଏବେ ବନ୍ୟାଜଳ ଘେର,  ବାହ୍ୟ ଜଗତରୁ ବିଛିନ୍ନ । ଦଶରଥପୁର ବ୍ଲକର କୟାଁ, କମାରଡିହ, ନିଜାମପୁର, ଶୁଶୁଆ, ଦୁଦୁରାଅନ୍ତା, କଷବା ଆଦି ବୋହୁତ ପଞ୍ଚାୟତର ଗାଁ ଗୁଡିକ ଏବେ ଜଳରେ ବନ୍ଧୀ ଅବସ୍ଥାରେ ଅଛନ୍ତି, କୟାଁ ପଞ୍ଚାୟତର ଧରମପୁର, ମାଧପୁର, ଗହିରାପାଳ, ଇଚ୍ଛାପୁର ଗାଁ ଗୁଡିକ ବନ୍ୟା ଜଳରେ ବୁଡି ରହିଛି, ପ୍ରଶାସନ ଏପର୍ୟ୍ୟନ୍ତ ତାଙ୍କ ନିକଟରେ ପହଞ୍ଚି ପାରିନାହିଁ ।