କାକଟପୁର, (ବଡ଼ ଖବର ବ୍ୟୁରୋ): ଦୀର୍ଘ ୨୨ବର୍ଷ ହେବ ପୁରୀ ଜିଲ୍ଲା କାକଟପୁର ଅଞ୍ଚଳରେ ନୟାଗଡ଼ ଜିଲ୍ଲା ବରପାଲିି ଗାଁର ‘ସାଧୁ ଦିଜବାବା’ ରହିଆସୁଥିଲେ । ଭିକ୍ଷାବୃତ୍ତି କରି ଯାହା ରୋଜଗାର କରନ୍ତି ସେତିକିରେ ଚଳନ୍ତି ସାଧୁବାବା । କରୋନା ମହାମାରୀ ଲାଗି ସାଧୁବାବାଙ୍କ ଖାଇବା ଅସୁବିଧା ହେଲା । ବୟସାଧିକ କାରଣରୁ ଶାରୀରିକ ଅକ୍ଷମ ମଧ୍ୟ ହୋଇପଡ଼ିଛନ୍ତି ବାବା । ଦୀର୍ଘଦିନ ହେବ ରୋଗାଗ୍ରସ୍ତ ସାଧୁବାବା ପୋଷ୍ଟ ଅଫିସ ପାଖରେ ପଡ଼ି ରହିଥିଲେ ।
ଦୁଇମାସ ହେବ ସାଧୁବାବାଙ୍କ ସ୍ୱାସ୍ଥ୍ୟ ଗୁରୁତର ହେବାରେ ଲାଗିଛି । କେହି ତାଙ୍କର ସେବା କରୁନଥିଲେ । ଏହି ଖବର ପାଇବା ପରେ କାକଟପୁର ପ୍ରେସ କ୍ଳବର ସଦସ୍ୟମାନେ ସାଧୁବାବାଙ୍କୁ ଉଦ୍ଧାର କରି ତାଙ୍କ ଗାଁରେ ପହଞ୍ଚାଇଛନ୍ତି । ସାମ୍ବାଦିକଙ୍କୁ ଏଭଳି ଜନମଙ୍ଗଳ କାମକୁ ସାଧାରଣରେ ପ୍ରଶଂସା କରାଯାଇଛି ।
