ଲଦାଖ (ବଡ଼ ଖବର ବ୍ୟୁରୋ): ପୁଣି ରାହୁଲଙ୍କ ଟାର୍ଗେଟରେ ଆରଏସଏସ । ସତ୍ତାରୂଢ ବିଜେପିର ବୈଚାରିକ ଅଭିଭାବକ ବୋଲି କହି ଉଭୟ ଆରଏସଏସ ଓ ବିଜେପିକୁ ନିଶାଣା ସାଧିଛନ୍ତି ରାହୁଲ ଗାନ୍ଧି । ଲଦାଖରେ ରାହୁଲ ଗାନ୍ଧି ଏପରି ମନ୍ତବ୍ୟ ଦେଇଛନ୍ତି । ସେ ଅଭିଯୋଗ ଆଣିଛନ୍ତି ଯେ, ରାଷ୍ଟ୍ରୀୟ ସ୍ୱଂୟ ସେବକ ସଂଘ ବା ଆରଏସଏସ ଦେଶର ପ୍ରତ୍ୟେକ ଅନୁଷ୍ଠାନରେ ନିଜ ଲୋକଙ୍କୁ ସ୍ଥାନ ଦେଉଛି, ସବୁ କିଛି ଚଳାଉଛି । ଏମିତିକି କେନ୍ଦ୍ର ସରକାରଙ୍କ କୌଣସି ମନ୍ତ୍ରୀଙ୍କୁ ଯଦି ପଚରାଯାଏ ତେବେ ସେମାନେ କହିବେ, ସେମାନେ ବାସ୍ତବରେ ମନ୍ତ୍ରାଳୟକୁ ଚଲାଉନାହାନ୍ତି । ଆରଏସଏସ ଦ୍ୱାରା ନିଯୁକ୍ତ ଲୋକମାନେ ମନ୍ତ୍ରାଳୟକୁ ପରିଚାଳନା କରୁଛନ୍ତି । ଏହି ପରି ଭାବେ ଭାଜପା ତଥା ଆରଏସଏସକୁ ଟାର୍ଗେଟ କରିଛନ୍ତି ରାହୁଲ ଗାନ୍ଧି ।
