କରୋନା ଭୂତାଣୁର ନୂଆ ଭାରିଆଣ୍ଟ ଚିହ୍ନଟ, ସ୍ଥିତି ସମୀକ୍ଷା କଲେ ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବିଶ୍ୱସ୍ତରରେ କରୋନାର ନୂଆ ଭାରିଆଣ୍ଟ ଚିହ୍ନଟ ହେବା ନେଇ ରିପୋର୍ଟ ପ୍ରକାଶ ପାଇଛି । ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ ପି.କେ. ମିଶ୍ର ଏକ ଉଚ୍ଚସ୍ତରୀୟ ବୈଠକ କରି ସ୍ଥିତିି ସମୀକ୍ଷା କରିଛନ୍ତି । ସାର୍ସା-କୋଭ-୨ ନାମରେ ଏକ ନୂଆ ଭାରିଆଣ୍ଟ ଆସିଛି । ବିଏ.୨.୮୬ ପିରୋଲା ଏବଂ ଏରିସର ସଂକ୍ରମଣ ସମେତ ବିଶ୍ୱରେ କୋଭିଡ ପରିସ୍ଥିତି ସମ୍ପର୍କରେ ଏହି ବୈଠକରେ ସଚିବ ତଥ୍ୟ ପ୍ରଦାନ କରିଥିଲେ ।

ବିଶ୍ୱ ସ୍ୱାସ୍ଥ୍ୟ ସଂଗଠନର ତଥ୍ୟ ଅନୁଯାୟୀ ୫୦ରୁ ଅଧିକ ଦେଶରେ ଏରିସ ଭାରିଆଣ୍ଟ ଚିହ୍ନଟ ହୋଇଛି ଏବଂ ଚାରୋଟି ଦେଶରେ ପିରୋଲା ଚିହ୍ନଟ କରାଯାଇଛି । ସମୀକ୍ଷା ପରେ ଡକ୍ଟର ମିଶ୍ର କହିଛନ୍ତି ଯେ ଦେଶରେ କରୋନା ସ୍ଥିତି ସ୍ଥିର ରହିଛି ଏବଂ ଜନସ୍ୱାସ୍ଥ୍ୟ ବିଭାଗକୁ ପ୍ରସ୍ତୁତ ରଖାଯାଇଛି । ବିଶ୍ୱରେ ନୂଆ କରୋନା ଭୂତାଣୁ ପ୍ରତିରୂପ ଉପରେ ବିଶେଷ ଧ୍ୟାନ ଦେବାର ଆବାଶ୍ୟକତା ରହିଛି ।