ଭୁବନେଶ୍ୱର (ବଡ଼ ଖବର ବ୍ୟୁରୋ): ପୂରା ଦେଶରେ ଏକା ସମୟରେ ରାଜ୍ୟ ଓ କେନ୍ଦ୍ର ସରକାର ନିର୍ବାଚନ କରିବା ପାଇଁ ଅଣ୍ଟା ଭିଡିଛନ୍ତି । ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଅଧକ୍ଷତାରେ ଏକ କମିଟି ଗଠନ କରିଛନ୍ତି କେନ୍ଦ୍ର ସରକାର । ଯାହାକୁ ନେଇ ଜୋର ଧରିଛି ଚର୍ଚ୍ଚା । ଓଡ଼ିଶାରେ ମଧ୍ୟ ଏକା ସମୟରେ ହେବାକୁ ଥିବା ଏହି ନିର୍ବାଚନ କୁ ନେଇ ଚର୍ଚ୍ଚା ଜୋରଧରିଛି । । ଏହାରି ମଧ୍ୟରେ ଏକକ ନିର୍ବାଚନ କମିଟି ଗଠନକୁ ନେଇ ପ୍ରତିକ୍ରିୟା ରଖିଛନ୍ତି ବରିଷ୍ଟ କଂଗ୍ରେସ ନେତା ନରସିଂହ ମିଶ୍ର । ସେ କହିଛନ୍ତି ସମ୍ବିଧାନ ବ୍ୟବସ୍ଥା ଅନୁଯାୟୀ, ଏକକ ନିର୍ବାଚନକୁ ଯଦି ଅସୁବିଧା ନଥାଏ ତାହାଲେ ଏକକ ନିର୍ବାଚନ କରାଯାଇ ପାରେ। ତେବେ ବିଲ ନ ଆସିବା ପୂର୍ବରୁ ତା ବିଷୟରେ କହିବା ଅନୁଚିତ୍ ହେବ । ବିଜେପି ଆଗୁଆ ନିର୍ବାଚନ କରିବାକୁ ଚାହୁଁଚି କିନ୍ତୁ ନିକଟରେ ହୋଇଥିବା ବିିଭିନ୍ନ ସର୍ଭେରୁ ଯାହା ଜଣାପଡ଼ୁଛି ମୋଦିଙ୍କର ଲୋକପ୍ରିୟତା କମିକମି ଯାଉଛି । ତେଣୁ ବିଜେପି ପାର୍ଟି ଆଗୁଆ ନିର୍ବାଚନ କରାଇବା କୁ ଚାହୁଁଛି । ନିକଟରେ ବିଭିନ୍ନ ରାଜ୍ୟରେ ନିର୍ବାଚନ ସମ୍ପନ୍ନ ହୋଇଛି ସେଗିଡିକୁ ଭାଙ୍ଗିବା ସମ୍ବିଧାନ ବିରୋଧୀ ହୋଇପାରେ । ତେଣୁ ଏହି ଯୋଜନା ଖାରଜ ହେଇଯିବାର ଯଥେଷ୍ଟ ସମ୍ଭାବନା ଅଛି ବୋଲି ନରସିଂହ ମିଶ୍ର ପ୍ରକାଶ କରିଛନ୍ତି ।
