କୋଲ୍ଡଡ୍ରିଙ୍କରେ ନିଶା, ୩ ଛାତ୍ର ଅସୁସ୍ଥ

ବଲାଙ୍ଗିର(ବଡ଼ ଖବର ବ୍ୟୁରୋ): ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ରେଲୱେ ପ୍ରତୀକ୍ଷାଳୟ ନିକଟରୁ ୩ଜଣ ଛାତ୍ରଙ୍କୁ ଅଚେତ ଅବସ୍ଥାରେ ଉଦ୍ଧାର କରାଯାଇଛି । ଜଣଙ୍କୁ ବଲାଙ୍ଗୀର ମେଡିକାଲକୁ ସ୍ଥାନାନ୍ତର କରାଯାଇଥିବା ବେଳେ ଅନ୍ୟ ଦୁଇ ଜଣଙ୍କୁ କଣ୍ଟାବାଞ୍ଜି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ ଗତକାଲି ରାତିରେ ଇସ୍ପାତ ଟ୍ରେନରେ ସମ୍ବଲପୁରରୁ କଣ୍ଟାବାଞ୍ଜି ରେଳ ଷ୍ଟେସନକୁ ଆସିଥିଲେ ୫ ଜଣ ଛାତ୍ର । ହେଲେ ରାତିରେ ଗାଡି ନମିଳିବାରୁ ସେମାନେ ରେଳ ଷ୍ଟେସନର ପ୍ରତୀକ୍ଷାଳୟରେ ଶୋଇଥିଲେ। ତାଙ୍କ ସହିତ ଟ୍ରେନରେ ଆସୁଥିବା ଜଣେ ଅଜଣା ବ୍ୟକ୍ତି ତାଙ୍କୁ କୋଲଡ୍ରିଙ୍କ ପିଇବା ପାଇଁ ଅନୁରୋଧ କରିଥିଲା।

କୋଲଡ୍ରିଙ୍କ ପିଇବା ପରେ ସେମାନେ ଅଚେତ ହୋଇ ଯାଇଥିଲେ। ୪ ଜଣଙ୍କ ମଧ୍ୟରୁ ଜଣେ କୋଲଡ୍ରିଙ୍କ ପିଇ ନଥିଲା। ତେବେ ଜଣକୁ ଛାଡ଼ି ତିନି ଜଣ ଅଚେତ ହୋଇଥିଲେ। ଅଚେତ ଅବସ୍ଥାରେ ତାଙ୍କର ଟଙ୍କା ଓ ମୋବାଇଲ ଚୋରି ହୋଇଥିବା କହିଛନ୍ତି ଜଣେ ଛାତ୍ର।