ରେଢାଖୋଲ(ବଡ଼ ଖବର ବ୍ୟୁରୋ):ସାଧାରଣ ନିର୍ବାଚନକୁ ଆଉ ଛଅ ମାସ ସମୟ ଥିବା ବେଳେ ରେଢ଼ାଖୋଲରେ କିନ୍ତୁ ନିର୍ବାଚନ ଯେମିତି ଆଉ ମାସେ କି ଦୁଇ ମାସ ବାକି ଅଛି ସମୟ ଭଳି ଜଣା ପଡୁଛି l ଗୋଟିଏ ପଟେ ସ୍ଥାନୀୟ ବିଧାୟକ ରୋହିତ ପୂଜାରୀ ପଦଯାତ୍ରା କରୁଥିବା ସମୟରେ ଅନ୍ୟ ପଟେ ରେଢ଼ାଖୋଲର ପୂର୍ବତନ ବିଧାୟକ ପ୍ରସନ୍ନ ଆଚାର୍ଯ୍ୟ ରାଜ୍ୟସଭା ସଦସ୍ୟ ଥିବା ସମୟରେ ଦେଇଥିବା ଅନୁଦାନ ପାଣ୍ଠିରୁ ଆଜି ଏକ କଲ୍ୟାଣ ମଣ୍ଡପର ଶିଳାନ୍ୟାସ ଏବଂ ଜଗନ୍ନାଥ ମନ୍ଦିର ମଧ୍ୟରେ ଏକ ଭୋଗ ମଣ୍ଡପରେ ପୂଜାର୍ଚନା କରିଛନ୍ତି l
ପ୍ରସନ୍ନ ଆଚାର୍ୟ୍ୟଙ୍କର ଏତେ ଦିନ ରାଜନୀତି କରିବା ମଧ୍ୟରେ ରଙ୍ଗରେ ପରିବର୍ତ୍ତନ କି ଢଙ୍ଗରେ ପରିବର୍ତ୍ତନ ହୋଇନାହିଁ ବୋଲି କହିଥିଲେ l ତାତ୍ପର୍ଯ୍ୟ ହେଲା କି ବର୍ତ୍ତମାନ ମଧ୍ୟ ସେ ରେଢ଼ାଖୋଲରେ ଆଗାମୀ ଦିନରେ ହେବାକୁ ଥିବା ନିର୍ବାଚନ ରଣରଙ୍ଗରେ ଅଛନ୍ତି ବୋଲି ଇଙ୍ଗିତ କରି କହିଥିଲେ ।
