ଇସ୍ରାଏଲ ରକେଟ୍ ମାଡ଼ରେ ସିରିଆର ୨ଟି ପ୍ରମୁଖ ଏୟାରପୋର୍ଟରେ ବ୍ୟାପକ କ୍ଷୟକ୍ଷତି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ସିରିଆକୁ ବ୍ୟାପିଲା ଯୁଦ୍ଧର ନିଆଁ। ସିରିଆର ଦୁଇଟି ଏୟାରପୋର୍ଟ ଉପରେ ଇସ୍ରାଏଲର ଆକ୍ରମଣ । ଫଳରେ ସିରିଆ ରାଜଧାନୀ ଡାମାସକସ୍ ଓ ଆଲେପ୍ପୋରେ ଇସ୍ରାଏଲ୍ ରକେଟ୍ ମାଡ଼ ଯୋଗୁ ବ୍ୟାପକ କ୍ଷୟକ୍ଷତି ଘଟିଛି ।  ଦୁଇଟି ଯାକ ବିମାନବନ୍ଦରରେ ଏକା ସାଙ୍ଗରେ ବହୁସଂଖ୍ୟକ ରକେଟ୍ ଖସିଥିଲା । ଏଥିରେ ରନୱେ ବ୍ୟାପକ କ୍ଷତିଗ୍ରସ୍ତ ହେବା ଯୋଗୁଁ ଏୟାରପୋର୍ଟକୁ ବନ୍ଦ ରଖାଯାଇଛି । ଗାଜା ସଂକଟରୁ ଧ୍ୟାନ ହଟାଇବା ପାଇଁ ଇସ୍ରାଏଲ୍ ଏଭଳି ଆକ୍ରମଣ କରିଥିବା ସିରିଆ ଅଭିଯୋଗ କରିଥିବା ବେଳେ ଇସ୍ରାଏଲ୍ ଏନେଇ ବିଧିବଦ୍ଧ ଭାବେ କୌଣସି ପ୍ରତିକ୍ରିୟା ରଖିନି । ତେବେ କିଛି ଦିନ ତଳେ ସିରିୟା ପଟୁ ଇସ୍ରାଏଲକୁ ରକେଟ୍ ମାଡ଼ ହୋଇଥିଲା ଏବଂ ଏହା ତାହାର ଜବାବ ବୋଲି କୁହାଯାଇଛି ।