ବିଧାୟକଙ୍କ ଉପରେ ବର୍ଷିଲେ ଧର୍ମଶାଳା ବିଜେପି ନେତା ହିମାଂଶୁ ଶେଖର

ଧର୍ମଶାଳା (ବଡ଼ ଖବର ବ୍ୟୁରୋ): ଧର୍ମଶାଳା ବିଧାୟକଙ୍କ ଉପରେ ବର୍ଷିଲେ ଧର୍ମଶାଳା ବିଜେପି ନେତା ହିମାଂଶୁ ଶେଖର ସାହୁ । ସାମ୍ବାଦିକ ସମ୍ମିଳନୀ କରି ବିଧାୟକଙ୍କ ଉପରେ ବର୍ଷିଥିବା ବେଳେ ଆଗାମୀ ନିର୍ବାଚନରେ ବିଜେପି ଏଠାରେ ଗୋଟିଏ ହୋଇ ଲଢିବ ବୋଲି କହିଛନ୍ତି। ଧର୍ମଶାଳା ବିଧାୟକଙ୍କ ସାଥିରେ ଦୀର୍ଘ ଦିନ ଧରି ରହି ସମାଜସେବାରୁ ରାଜନୀତିରେ ପାଦ ଥାପି ଥିବା ହିମାଂଶୁ ଶେଖର ସାହୁ ଗୁରୁବାର ପଦ୍ମ ଧରିବା ପରେ ଶୁକ୍ରବାର ତାଙ୍କ କାର୍ୟ୍ୟାଳୟରେ ରାଜ୍ୟ ସରକାରଙ୍କ ଦୁର୍ନୀତି ଉପରେ ଦୃଷ୍ଟି ଆକର୍ଷଣ କରିଛନ୍ତି।

ଏଥି ସହିତ ଧର୍ମଶାଳାରେ ସାଧାରଣ ଲୋକଙ୍କ ଦୂରବସ୍ଥା ପାଇଁ ବିଧାୟକଙ୍କୁ ଦାୟୀ କରିଛନ୍ତି। ଭତ୍ତା ଠାରୁ ଆବସ ପର୍ୟ୍ୟନ୍ତ ସବୁଥିରେ ଏଠାରେ ଦୁର୍ନୀତି ଚାଲିଥିବା ବେଳେ ବିଧାୟକ କଣ କରୁଛନ୍ତି ବୋଲି ପ୍ରଶ୍ନ କରିଛନ୍ତି । ନିର୍ଦ୍ଧିଷ୍ଟ କିଛି ଦଳୀୟ କର୍ମୀ ସବୁ ଯୋଜନାର ଫାଇଦା ଉଠାଉଛନ୍ତି । ବିଜେପରୁ କିଏ ଦଳୀୟ ପ୍ରାର୍ଥୀ ହେବେ ପ୍ରଶ୍ନର ଉତ୍ତରରେ ସେ କହିଛନ୍ତି ଏଠି ସମସ୍ତେ ଦଳ ପାଇଁ କାମ କରିବେ। ଦଳ ଯାହାକୁ ପ୍ରାର୍ଥୀ କରିବ ସମସ୍ତେ ତାଙ୍କୁ ସାହାଯ୍ୟ କରିବେ ବୋଲି କହିଛନ୍ତି। ଟିକେଟ ଅପେକ୍ଷା ଦଳର ସ୍ଥିତି ମଜଭୁତ କରିବା ତାଙ୍କର ଲକ୍ଷ୍ୟ ହୋଇଥିବା ବେଳେ ଆଗମୀ ଦିନରେ ବିଜେଡ଼ି ଏଠାରୁ ପରାଭବ ଭୋଗିବ ବୋଲି କହିଛନ୍ତି।