କରୋନା ଛଡେଇ ନେଲା ବେଉସା

କଟକ,(ବଡ଼ ଖବର ବ୍ୟୁରୋ): ଦୁର୍ଦିନରେ କଳାକାର । କରୋନା କଟକଣାରୁ ୮ମାସ ହେବ ରୋଜଗାର ହରାଇ ହାତଯୋଡି ବସିଛନ୍ତି ବିଭିନ୍ନ ମେଲୋଡି ପାର୍ଟିର କଳାକର । ପ୍ରତିବର୍ଷ ପାର୍ବଣରେ ବିଭିନ୍ନ୍ ପୂଜା କମିଟି ପକ୍ଷରୁ ମେଲୋଡି କାର୍ଯ୍ୟକ୍ରମ ଆୟୋଜିତ ହୁଏ । କଳାକାରମାନେ ସଙ୍ଗୀତ ପରିବେଷଣ କରି ଭଲ ଦୁଇ ପଇସା ରୋଜଗାର କରୁଥିଲେ । ସେଥିରେ ଚଳୁଥିଲା ସେମାନଙ୍କ ସଂସାର । ଚଳିତ ବର୍ଷ କରୋନା କଟକଣା ମଧ୍ୟରେ ଦୁର୍ଗାପୂଜା ପାଳିତ ହୋଇଥିବାରୁ ମେଲୋଡି କାର୍ଯ୍ୟକ୍ରମରେ ମଧ୍ୟ ରୋକ୍ ଲଗାଯାଇଛି । ଫଳରେ କଟକ ସହରର ୫୦ରୁ ଅଧିକ ମେଲୋଡି ପାର୍ଟି ଏବେ ରୋଜଗାର ହରାଇଛନ୍ତି ।

ପ୍ରତିବର୍ଷ ଦୁର୍ଗାପୂଜା ସମୟରେ କଟକ ଭୁବନେଶ୍ୱରର ବିଭିନ୍ନ୍ ପୂଜା ମଣ୍ଡପରେ ମେଲୋଡି ପରିବେଷଣ କରିଥାନ୍ତି ଏହି କଳାକାରମାନେ । ଏପରିକି ଗୋଯିଏ ଗୋଯିଏ ଦିନରେ ଏକାଧିକ ମଣ୍ଡପରେ ଏମାନେ ସଂଗୀତ ପରିବେଷଣ କରି ଲକ୍ଷାଧିକ ଟଙ୍କା ରୋଜଗାର କରିଥାନ୍ତି । କେବଳ ମେଲୋଡି ପାର୍ଟି ନୁହେଁ ବ୍ୟାଣ୍ଡ ପାର୍ଟି, ଲାଇଟ, ସାଉଣ୍ଡ, ଟେଣ୍ଟବ୍ୟବସାୟ ପୂରା ଠପ୍ ହୋଇ ପଡ଼ିଛି । ପାର୍ବଣ ଋତୁ ଏମାନଙ୍କ ପାଇଁ ବଡ଼ ବ୍ୟବସାୟର ମାଧ୍ୟମ ଥିଲା । କିନ୍ତୁ କରୋନା କାରଣରୁ ଏମାନେ ଏବେ ଦୁର୍ଦିନରେ ଦିନ କାଟୁଛନ୍ତି ।