ବାଣପୁର (ବଡ଼ ଖବର ବ୍ୟୁରୋ): ମନ୍ଦିର ବିବାଦକୁ ନେଇ ଦୁଇ ଗାଁ ମଧ୍ୟରେ ଗଣ୍ଡଗୋଳ । ଏଭଳି ଦୃଶ୍ୟ ଦେଖିବାକୁ ମିଳିଛି ବାଲୁଗାଁରେ । ବିଗତ କିଛି ଦିନ ଧରି ବାଲୁଗାଁ ଥାନା ଧବଳେଶ୍ୱର ମନ୍ଦିରକୁ ନେଇ ବିବାଦ ଲାଗି ରହିଥିଲା । ଧୂଆଳ ଓ କୋତରୀ ଦୁଇ ଗାଁ ଲୋକ ଦାବି କରୁଛନ୍ତି ମନ୍ଦିର ସେମାନଙ୍କ ନିଜ ନିଜ ଗାଁର ବୋଲି । ଏନେଇ ଥାନା ଓ ପ୍ରସାଶନିକ ସ୍ତରରେ ଆଲୋଚନା ହେଇଥିଲା । କିନ୍ତୁ ବିବାଦର ସମାଧାନ ଏଯାଏଁ ହୋଇନଥିଲା ।
ଜାଗର ଯାତ୍ରାକୁ ନେଇ କୋତାରୀର କିଛି ଲୋକ ମନ୍ଦିର ପରିସରରେ ପୂର୍ବ ପ୍ରସ୍ତୁତି କରୁଥିବା ବେଳେ ଧୂଆଁଳର କିଛି ଲୋକ ଠେଙ୍ଗାବାଡି ଧରି ସେମାନଙ୍କୁ ଆକ୍ରମଣ କରିଥିଲେ । ୪ ଜଣ ଆହତ ହୋଇ ବାଲୁଗାଁ ଡାକ୍ତରଖାନାରେ ଚିକିତ୍ସôିତ ହେଉଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି । ସକାଳୁ କୋତରୀ ଲୋକ ବାଲୁଗାଁ ଥାନାରେ ପହଞ୍ଚି ଯାତ୍ରା ବାବଦରେ ଆଲୋଚନା କରିବା ପରେ ମନ୍ଦିର ପରିସର ସଫା କରୁଥିବା ବେଳେ ଏମିତି ଘଟଣା ଘଟିଥିବା ଅଭିଯୋଗ କରିଛନ୍ତି ଆହତ ଲୋକ।
ଉଭୟ ପକ୍ଷରୁ ସମୁଦାୟ ୯ ଜଣ ଆହତ ହୋଇଥିବା ସମୟରେ ୨ ଜଣଙ୍କ ଅବସ୍ଥା ଗୁରୁତର ହେବାରୁ ବ୍ରହ୍ମପୁର ସ୍ଥାନାନ୍ତରିତ କରାଯାଇଛି। ବାଲୁଗାଁ ଏସଡିପିଓ, ଆଇଆଇସିଙ୍କ ସମେତ ଏକ ପ୍ଲାଟୁନ ପୋଲି ଫୋର୍ସ ମୁତୟନ କରିବା ସହ ଉଭୟ ପକ୍ଷଙ୍କ ସହ ଆଲୋଚନା ମାଧ୍ୟମରେ ପରିବେଶ ଶାନ୍ତ କରିବାର ପ୍ରୟାସ ଜାରି ରଖାଯାଇଛି ।
