ଜଳିଗଲା ଟ୍ରାନ୍ସଫର୍ମର, ୧୮୦ ଗାଁରେ ବିଦ୍ୟୁତ ସେବା ବନ୍ଦ

ଜଳେଶ୍ୱର(ବଡ଼ ଖବର ବ୍ୟୁରୋ): ଜଳେଶ୍ୱର ପାୱାର ଗ୍ରୀଡରେ ଭୟାବହ ଅଗ୍ନିକାଣ୍ଡ । ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ କରଛି। ସୂଚନା ଅନୁଯାୟୀ ଜଳେଶ୍ଵର ପାୱାର ଗ୍ରୀଡରେ ଅଚାନକ ଟ୍ରାନ୍ସଫର୍ମରରେ ନିଆଁ ଲାଗି ଯାଇଥିଲା । କିଛି କ୍ଷଣ ମଧ୍ୟରେ ହୁତୁ ହୁତୁ ହୋଇ ଜଳିଗଲା ଟ୍ରାନ୍ସଫର୍ମର । ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲା। ସର୍ଟ ସର୍କିଟ ପାଇଁ ଟ୍ରାନ୍ସଫର୍ମରରେ ନିଆଁ ଲାଗିଥିବା ସନ୍ଦେହ କରାଯାଉଛି । ପାୱାର ଗ୍ରୀଡରେ ନିଆଁ ଲାଗିଥିବାରୁ ଜଳେଶ୍ବର ସହର ସମେତ ୧୮୦ ଟି ଗାଁରେ ବିଦ୍ୟୁତ ସେବା ବ୍ୟାଘାତ ଥିବା ସୂଚନା।