ଆମେରିକା ବାଲ୍ଟିମୋର ବ୍ରିଜ୍ ଦୁର୍ଘଟଣା, ୬ ଶ୍ରମିକ ମୃତ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଧକ୍କା ଦେଲା ମାଲବାହୀ ଜାହାଜ ଭୁଶୁଡ଼ିପଡିଲା ପୋଲ । ଆମେରିକା ବାଲ୍ଟିମୋର ବ୍ରିଜ୍ ଦୁର୍ଘଟଣା ଘଟଣାରେ ୬ ମୃତ । ନିଖୋଜ ଥିବା ୬ ଶ୍ରମିକଙ୍କ ମୃତଦେହ ଉଦ୍ଧାର କଲା ପୋଲିସ । ଗତକାଲି କାର୍ଗୋସିପ୍ ଧକ୍କା ଦେବା ପରେ ବ୍ରିଜଟି ସମ୍ପୂର୍ଣ୍ଣ ଭାଙ୍ଗିପଡ଼ିଥିଲା । ଜାହାଜରେ ଥିବା ସମସ୍ତ ୨୨ ଭାରତୀୟ ସୁରକ୍ଷିତ ଥିବା ସୂଚନା ।
ଗତକାଲି ଆମେରିକାର ବାଲଟିମୋର ସହରରେ ଏକ ପୋଲରେ କଣ୍ଟେନର ଜାହାଜ ଧକ୍କା ହେବା ଫଳରେ ପୋଲଟି ସମ୍ପୂର୍ଣ୍ଣ ଭୁଶୁଡି ପଡିଛି । ପୋଲରେ ଥିବା କିଛି ଯାନବାହନ ଓ ଲୋକେ ନଦୀରେ ଖସିପଡିଥିଲେ । କିଛି ସେକେଣ୍ଡରେ ନଦୀ ମଧ୍ୟରେ ଲୀନ ହୋଇଯିବା ଦୃଶ୍ୟ କ୍ୟାମେରାରେ କଏଦ ହୋଇଛି । ଦିନ ତମାମ ଉଦ୍ଧାର ଅପରେସନ ଚାଲିଥିଲେ ସୁଦ୍ଧା ଏବେବି ଅନେକ ନିଖୋଜଙ୍କ ପତ୍ତା ମିଳିନି । କିଛି ଉଦ୍ଧାର ମଧ୍ୟ ହୋଇଛନ୍ତି । ଏବେ ମଧ୍ୟ ସର୍ଚ୍ଚ ଓ ରେସ୍କ୍ୟୁ ଅପରେସନ ଜାରି ରହିଥିବା ସୂଚନା ମିଳିଛି ।
