ରାଜନୀତିରେ ଅଭିନେତ୍ରୀ ଝିଲିକି ଙ୍କ ଏଣ୍ଟ୍ରି
କୋରେଇ (ବଡ଼ ଖବର ବ୍ୟୁରୋ):ରୋଚକ ମୋଡରେ କୋରେଇ ରାଜନୀତି । ବବିଙ୍କୁ ଚେକ ଦେବାକୁ କୋରେଇରେ ଝିଲିକି ଙ୍କ ଏଣ୍ଟ୍ରି ଉଦ୍ୟମ । କୋରେଇ ରାଜନୀତିରେ ଘଡିକେ ଘୋଡା ଛୁଟୁଛି । କୋରେଇ ନିର୍ବାଚନ ମଣ୍ଡଳୀ କୁ ନେଇ ଘଡେଇ ପରିବାର ଓ ଦାସ ପରିବାର ମଧ୍ୟରେ ଛକପଞ୍ଝା । ଏବେ କୋରେଇ ରେ ଘଡେଇ ପରିବାରର ବୋହୁଙ୍କୁ ନେଇ ଚର୍ଚ୍ଚା । କୋରାଇ ବିଧାନସଭା ଆସନ ପାଇଁ ବିଜେଡିରୁ ପ୍ରାର୍ଥୀ ହେବାକୁ ମନବଳାଇଲେ ଓଲିଉଡ ଅଭିନେତ୍ରୀ ଝିଲିକି ଭଟ୍ଟାଚାର୍ଯ୍ୟ। ମନ୍ତ୍ରୀ ତଥା ବିଧାୟକ ପ୍ରିତିରଞ୍ଜନ ଘଡାଇଙ୍କ ପତ୍ନୀ ଝିଲିକିଙ୍କୁ ଏଥର କୋରାଇରୁ ପ୍ରାର୍ଥୀ କରିବାକୁ ଦାବି କଲେ କୋରାଇ ବିଜେଡ଼ି କର୍ମୀ ।
ଶତାଧିକ ସମର୍ଥକ ମନ୍ତ୍ରୀ ପ୍ରୀତିରଞ୍ଜନ ଘଡାଇଙ୍କ ଯାଜପୁର ରୋଡ଼ ସ୍ଥିତ ବାସଭବନରେ ପହଞ୍ଚି ଝିଲିକିଙ୍କୁ ପ୍ରାର୍ଥୀ ହେବାକୁ ଅନୁରୋଧ କରିଛନ୍ତି । କୋରାଇ ବାସୀଙ୍କ ସହଯୋଗ, ସମର୍ଥନ ଓ ଦାବିକୁ ପାଥେୟ କରି ଝିଲକି ମଧ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦଳୀୟ ଟିକେଟରେ ଲଢ଼ିବାକୁ ସୁଯୋଗ ଦେବାକୁ ଅନୁରୋଧ ଜଣାଇଛନ୍ତି । ଯାହାକୁ ନେଇ ତାଙ୍କ ବାସଭବନରେ କର୍ମୀ ସମର୍ଥକଙ୍କ ଭିଡ଼ ଜମାଇଥିବା ଦେଖିବାକୁ ମିଳିଛି ।