ଜଳେଶ୍ୱର, (ବଡ଼ ଖବର ବ୍ୟୁରୋ): ବାଲେଶ୍ୱରରେ ଲଜ୍ଜ୍ୟା । ବଳତ୍କାର ଭିଡିଓ ଭାଇରାଲ କରି ବନ୍ଧା ହେଲେ ଯୁବକ । ଲଭ, ସେକ୍ସ ଓ ବ୍ଲାକମେଲିଂ ଭଳି ଏକ ଘଟଣା ଘଟିଛି ବାଲେଶ୍ୱର ଜିଲ୍ଲା ଜଳେଶ୍ୱରରେ । ଅନ୍ତରଙ୍ଗ ମୁହୁର୍ତ୍ତର ଭିଡିଓ ଭାଇରାଲ କରିବା ଧମକ ଦେବା ଘଟଣାରେ ପୋଲିସ ବିକ୍ରମ ପ୍ରଧାନ ନାମକ ଜଣେ ଯୁବକକୁ ଗିରଫ କରିଛି ।
ସୂଚନା ଅନୁଯାୟୀ ଜଳେଶ୍ୱର ଶିଖରପୁର ପଞ୍ଚାୟତ ଚକହରି ଗାଁର ବିକ୍ରମ ଏକ ଘରୋଇ ବ୍ୟାଙ୍କରେ ଚାକିରି କରୁଥିଲେ । ଏହି ସମୟରେ ଜଳେଶ୍ୱର ଅଞ୍ଚଳର ଜୈନିକା ବିବାହିତା ଅଙ୍ଗନୱାଡ଼ି କର୍ମୀଙ୍କ ସହ ତାଙ୍କ ସାକ୍ଷାତ ହୋଇଥିଲା । ପରେ ମୋବାଇଲ ନମ୍ବର ଦିଆ ନିଆ ରୁ ବଢିଥିଲା ସମ୍ପର୍କ । ବିବାହିତ ବିକ୍ରମ ଅଙ୍ଗନୱାଡ଼ି କର୍ମୀ ଜଣକୁ ନିଜ ପ୍ରେମ ଜାଲରେ ଫସାଇ ଶାରୀରିକ ସମ୍ପର୍କ ରଖିଥିଲେ । ଖାଲି ସେତିକି ନୁହଁ ଅନ୍ତରଙ୍ଗ ମୁହୁର୍ତ୍ତର କିଛି ଫଟୋ ଓ ଭିଡିଓ କଏଦ କରି ରଖିଥିଲେ ମୋବାଇଲ ରେ।
ବେଶ କିଛିଦିନ ଉଭୟଙ୍କ ମଧ୍ୟରେ ସମ୍ପର୍କ ପରେ ବିକ୍ରମ ଦେଖାଇଥିଲା ଅସଲ ରୂପ । ୩୦ଲକ୍ଷ ଟଙ୍କା ନଦେଲେ ଫଟୋ ଓ ଭିଡିଓ ଭାଇରାଲ କରିଦେବାକୁ ଦେଇଥିଲା ଧମକ । ତେବେ ଅଙ୍ଗନୱାଡ଼ି କର୍ମୀ ଜଣକ ଟଙ୍କା ନଦେବାରୁ ଏହି ଭିଡିଓକୁ ମହିଳାଙ୍କ ସ୍ୱାମୀଙ୍କ ପାଖକୁ ପଠାଇଥଲା । ଟଙ୍କା ନଦେଲେ ସୋସିଆଲ ମିଡିଆରେ ଏହାକୁ ଭାଇରାଲ କରିବା ପାଇଁ ଧମକ ଦେଇଥିଲା । ଶେଷରେ ଅଙ୍ଗନୱାଡ଼ି କର୍ମୀ ଜଣକ ପୋଲିସ ନିକଟରେ ଅଭିଯୋଗ କରିବା ପରେ ଅଭିଯୁକ୍ତ ବିକ୍ରମକୁ କେଶ ନମ୍ବର ୩୪୧ରେ ବିଭିନ୍ନ ଦଫାରେ ମାମଲା ରୁଜୁ କରି ଗିରଫ କରିଛି ଜଳେଶ୍ୱର ଥାନା ପୋଲିସ ।
