ନିର୍ବାଚନୀ ଋତୁରେ ଶସ୍ତା ହେଲା ଗ୍ୟାସ୍ ଦର
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କମିଲା ଗ୍ୟାସ ଦର । ଏପ୍ରିଲ ପରି ମେ’ ମାସରେ ବି ମିଳିଲା ସାମାନ୍ୟ ଆଶ୍ୱସ୍ତି। ନିର୍ବାଚନୀ ଋତୁରେ ଶସ୍ତା ହେଲା ଗ୍ୟାସ୍ ଦର। ଏହି ନୂଆ ଦର ଆଜିଠାରୁ ଲାଗୁ ହେବ।ଆଇଓସିଏଲ ୱେବସାଇଟ୍ରେ ଜାରି ହୋଇଥିବା ବିଜ୍ଞପ୍ତି ଅନୁଯାୟୀ, ରାଜଧାନୀ ଦିଲ୍ଲୀରେ ୧୯ କେଜିଆ କମର୍ସିଆଲ ଗ୍ୟାସ୍ ସିଲିଣ୍ଡର ଦାମ ୧୯ ଟଙ୍କା କମିଛି। ଏହା ପୂର୍ବରୁ ୧୭୬୪.୫୦ ଟଙ୍କାରେ ମିଳୁଥିବା ବେଳେ ଏବେ ତାହା ୧୭୪୫.୫୦ ଟଙ୍କାରେ ପହଞ୍ଚିଛି। ମୁମ୍ବାଇରେ କମର୍ସିଆଲ ଗ୍ୟାସ୍ ସିଲିଣ୍ଡର ଦାମ ୧୭୧୭.୫୦ ଟଙ୍କାରୁ ୧୬୯୮.୫୦ ଟଙ୍କାରେ ପହଞ୍ଚିଛି।
ଚେନ୍ନାଇରେ ଏହି ଦର ୧୯ ଟଙ୍କା ହ୍ରାସ ପାଇ ୧୯୩୦ ଟଙ୍କାରୁ ୧୯୧୧ ଟଙ୍କାରେ ପହଞ୍ଚିଛି। କୋଲକତାରେ ପୂର୍ବରୁ ଏହି ସିଲିଣ୍ଡର ଦାମ ୧୮୭୯ ଟଙ୍କା ଥିବା ବେଳେ ୨୦ ଟଙ୍କା ହ୍ରାସ ପାଇ ଏବେ ତାହା ୧୮୫୯ ଟଙ୍କାରେ ପହଞ୍ଚିଛି। ଆଇଓସିଏଲ ପକ୍ଷରୁ ଘରୋଇ ଗ୍ୟାସ ସିଲିଣ୍ଡରର ଦର ଅପରିବର୍ତ୍ତିତ ରହିଛି । ପୂର୍ବ ମାସ ପରି ଚଳିତ ମାସ ବି ଏଥିରେ କୌଣସି ପରିବର୍ତ୍ତନ କରାଯାଇ ନାହିଁ। ୧୪.୨ କେଜି ଘରୋଇ ଗ୍ୟାସ ସିଲିଣ୍ଡର ଦର ସମାନ ରହିଛି। ଦିଲ୍ଲୀରେ ସିଲଣ୍ଡର ପିଛା ମୂଲ୍ୟ ୮୦୩ ଟଙ୍କା, କୋଲକାତାରେ ୮୨୯ ଟଙ୍କା, ମୁମ୍ବାଇରେ ୮୦୨.୫୦ ଟଙ୍କା ଏବଂ ଚେନ୍ନାଇରେ ୮୧୮.୫୦ ଟଙ୍କା ରହିଛି।