ବିଜେଡିର ପୋଷ୍ଟର ମରାକୁ ନେଇ ହିଂସାକାଣ୍ଡ

ବାସୁଦେବପୁର (ବଡ଼ ଖବର ବ୍ୟୁରୋ): ଛକରେ ବିଜେଡିର ବ୍ୟାନର ଲଗାଇବାକୁ ନେଇ ଆକ୍ରମଣ । ଭଦ୍ରକ ଜିଲ୍ଲାର ବାସୁଦେବପୁର ନିର୍ବାଚନମଣ୍ଡଳିରେ ନିର୍ବାଚନୀ ହିଂସା ଦେଖିବାକୁ ମିଳିଛି । ରକ୍ତ ମୁଖା ହୋଇଛନ୍ତି ଭାରତୀୟ ଜନତାପାର୍ଟିର କାଉନସିଲର ଜଗବନ୍ଧୁ ଦାସ । ବାସୁଦେବପୁର ପୌରପାଳିକାର ପାଞ୍ଚ ନମ୍ବର ୱାର୍ଡର ବିଜେପି କାଉନସିଲରଙ୍କ ଆକ୍ରମଣରେ ଗୁରୁତର ଆହତ ହୋଇଛନ୍ତି ସତ୍ୟକାନ୍ତ ନାୟକ । ଜଗବନ୍ଧୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିବା ଜଣାପଡ଼ିଛି ।

ବାସୁଦେବପୁର ଡାକ୍ତରଖାନାର ପ୍ରାଥମିକ ଚିକିତ୍ସା ପରେ କଟକ ରେଫର କରାଯାଇଛି । ସୂଚନା ଅନୁସାରେ ଛକରେ ବିଜେଡିର ବ୍ୟାନର ଲଗାଇବାକୁ ନେଇ ଜଗବନ୍ଦଉ ଓ ସତ୍ୟକାନ୍ତଙ୍କ ମଧ୍ୟରେ ଆରମ୍ଭ ହୋଇଥିଲା ପାଟିତୁଣ୍ଡ । କାଉନସିଲର ଜଗବନ୍ଧୁ ଦାସ, ତାଙ୍କର ସାନଭାଇ ରୂପକ ଦାସ ଓ ସହଯୋଗୀଙ୍କ ସହ ଏକ ଭୁଜାଲିରେ କରିଥିଲେ ଆକ୍ରମଣ । ଘଟଣାସ୍ଥଳରେ ପୋଲିସ ପହଞ୍ଚି ଜଗବନ୍ଧୁ ଦାସଙ୍କୁ ଥାନାର ଅଟକ ରଖିଛନ୍ତି । ସେପଟେ ଜୀବନ ମରଣ ସହିତ ଲଢେଇ କରୁଥିବା ସତ୍ୟକାନ୍ତ ନାୟକଙ୍କୁ କଟକ ବଡ ମେଡିକାଲ ରେଫର କରାଯାଇଛି ।