ବାରଙ୍ଗ, (ବଡ଼ ଖବର ବ୍ୟୁରୋ): ନନ୍ଦନକାନନ ପ୍ରାଣୀ ଉଦ୍ୟାନ ରେ ଖୁସି ଖବର । ଆଜି ଗୋଟିଏ ଦିନରେ ଗୋଟିକ ପରେ ଗୋଟିଏ ବିରଳ ପ୍ରଜାତିର ଦୁଇଟି ତୃଣଭୋଜି ପ୍ରାଣୀ ସାବକକୁ ଜନ୍ମ ଦେବା ପରେ ପ୍ରାଣୀ ଉଦ୍ୟାନ ଖୁସିର ମାହୋଲ ଦେଖିବାକୁ ମିଳିଛି।
ସୂଚନା ଅନୁସାରେ,ନନ୍ଦନକାନନ ପ୍ରାଣୀ ଉଦ୍ୟାନଗୁରାଣ୍ଡି ଖୁଆଡରେ ଆଜି ଏକ ନବଜାତକ ଛୁଆଟି ଜନ୍ମ ଗ୍ରହଣ କରିଥିଲା।ଗତ କିଛି ଦିନ ତଳେ ଏହି ଖୁଆଡରେ ଗୋଟେ ଗୁରାଣ୍ଡି ଗୋଟିଏ ଛୁଆକୁ ଜନ୍ମ ଦେଇଥିବା ବେଳେ କିଛି ଦିନର ବ୍ୟବଧାନ ପରେ ଆଜି ପୁଣି ଏକ ଶାବକ ଜନ୍ମ ଗ୍ରହଣ କରିଛି।ବର୍ତ୍ତମାନ ନନ୍ଦନକାନନରେ ଏହି ନବଜନ୍ମିତ ସାବକକୁ ମିଶାଇ ଗୁରାଣ୍ଡିଙ୍କ ସଂଖ୍ୟା ୧୭ କୁ ଵୃଦ୍ଧି ପାଇଛି।ସେହିପରି ଆଜି ପୂର୍ବାହ୍ନରେ ଏକ ମଣିପୁରୀ ହରିଣ ମଧ୍ୟ ତାର ସାବକକୁ ଜନ୍ମ ଦେଇଛି।ନବଜନ୍ମିତ ଉଭୟ ଗୁରାଣ୍ଡି ଓ ମଣିପୁରୀ ହରିଣଙ୍କ ସ୍ୱାସ୍ଥ୍ୟବସ୍ଥା ଭଲ ଥିବା ନନ୍ଦନକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି।ନନ୍ଦନକାନନରେ ଜନ୍ମିତ ମଣିପୁରୀ ହରିଣକୁ ମିଶାଇ ସଂଖ୍ୟା ୧୫ କୁ ଵୃଦ୍ଧି ପାଇଛି।
