୫ହଜାର ଟଙ୍କା ଲାଞ୍ଚ ନେବା ବେଳେ ମାଡି ବସିଲା ଭିଜିଲାନ୍ସ

ତୁମୁଡିବନ୍ଧ (ବଡ଼ ଖବର ବ୍ୟୁରୋ): ଲାଞ୍ଚ ନେଇ ଭିଜିଲାନ୍ସ ହାତରେ ଧରା ପଡିଲେ ଆରଆଇ । କୋଟଗଡ଼ ତହସିଲର ଦୁର୍ଗାପଙ୍ଗା ସେକ୍ସନର ଆରଆଇ ୫୦୦୦ ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଛନ୍ତି । କୋଟଗଡ଼ ତହସିଲ ଅନ୍ତର୍ଭୂକ୍ତ ଦୁର୍ଗାପଙ୍ଗା ଅଂଚଳର ଜଣେ ବ୍ୟକ୍ତିଙ୍କ ଜମିପଟ୍ଟା କରେଇବା କହି କିସମ ପରିବର୍ତ୍ତନ ନିମନ୍ତେ ୫୦୦୦ ଟଙ୍କା ଲାଞ୍ଚ ମାଗିଥିଲେ । ସମ୍ପୃକ୍ତ ବ୍ୟକ୍ତି ଜଣକ ଆଜି କିସମ ପରିବର୍ତ୍ତନ ନିମନ୍ତେ ୫୦୦୦ ଟଙ୍କା ଧରି କୋଟଗଡ଼ ଆର.ଆଇ କାର୍ଯ୍ୟାଳୟକୁ ଆସିଥିଲେ ।

କୋଟଗଡ଼ ଆରଆଇ କାର୍ଯର୍୍ୟାଳୟରେ ଆରଆଇ ଦିଲ୍ଲୀପ ସାହୁ ୫୦୦୦ ଟଙ୍କା ନେଉଥିବା ବେଳେ ବ୍ରହ୍ମପୁର ଭିଜିଲାନ୍ସ ଟିମ ଚଢ଼ାଉ କରିଥିଲା । ଚଢ଼ାଉ ପରେ ଭିଜିଲାନ୍ସ ଟିମ ଦିଲ୍ଲୀପ ସାହୁଙ୍କୁ କୋଟଗଡ଼ ଆରଆଇ କାରର୍ଯ୍ୟାଳୟରୁ ଉଠେଇ ନେଇଥିବା ବେଳେ ଦିଲ୍ଲୀପଙ୍କ ବାସ ଭବନ ଖଜୁରୀପଡା ଅଂଚଳରେ ଚଢ଼ାଉ ଜାରି ରଖିଥିବା ସୂଚନା ମିଳିଛି ।