ବଡ଼ ଧରଣର ମାଓ ଆକ୍ରମଣ ଯୋଜନା ପଣ୍ଡ

ମାଲକାନଗିରି, (ବଡ଼ ଖବର ବ୍ୟୁରୋ): ମାଲକାନଗିରି ପୋଲିସକୁ ମିଳିଛି ଆଉ ଏକ ବଡ଼ ସଫଳତା । ଆନ୍ଧ୍ର-ଓଡ଼ିଶା ସୀମାନ୍ତ ଗୋରାସେତୁଠାରେ ଠାବ ହୋଇଛି ଏକ ବଡ଼ ଧରଣର ମାଓକ୍ୟାମ୍ପ୍ । ଆନ୍ଧ୍ର-ଓଡ଼ିଶା ବର୍ଡର ଜୋନାଲ କମିଟିର ଶତାଧିକ ମାଓବାଦୀ ଗୋରାସେତୁ ଜଙ୍ଗଲରେ ଠୁଳହୋଇ ବଡ଼ ଧରଣର ଆକ୍ରମଣ ପାଇଁ ଯୋଜନା କରୁଥିଲେ । ଗୁଇନ୍ଦା ସୂଚନା ଆଧାରରେ ମାଲକାନଗିରି ଏସପିଙ୍କ ନେତୃତ୍ୱରେ ଡିଭିଏଫ, ଏସଓଜି ଓ ଆନ୍ଧ୍ର ଗ୍ରେହାଉଣ୍ଡ ମିଳିତ ଚଢ଼ାଉ କରିଥିଲେ । ୩ ଘଣ୍ଟାରୁ ଅଧିକ ସମୟ ଧରି ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ପରେ ମାଓବାଦୀମାନେ ଛତ୍ରଭଙ୍ଗ ଦେଇଛନ୍ତି । ଘଟଣାସ୍ଥଳରୁ ପୋଲିସ ବିପୁଳ ମାଓ ସାମଗ୍ରୀ ଜବତ କରିଛି । ୩ଟି ଏସ. ଏଲ. ଆର ବନ୍ଧୁକ, ଅଫୁଟା ଗୁଳି, ଲେଣ୍ଡମାଇନ, ମାଓ ୟୁନିଫମ,ର୍ ନକ୍ସଲ ଟିକ୍.ମାଓ ପୁସ୍ତକ ଓ ପ୍ରଚାର ପତ୍ର ଜବତ ହୋଇଛି । ଅନ୍ୟପଟେ ମାଓବାଦୀଙ୍କୁ ଠାବ କରିବାକୁ ସର୍ଚ୍ଚ ଅପରେସନ ଚାଲିଥିବା କହିଛନ୍ତି ମାଲକାନଗିରି ଏସପି ରିଶିକେଶ ଖିଲାରୀ ।