ମମତାଙ୍କ ସାମ୍ନାରେ ବଡ଼ ସର୍ତ୍ତ ରଖିଲେ ଡାକ୍ତର

କୋଲକାତା (ବଡ଼ ଖବର ବ୍ୟୁରୋ): କୋଲାକାତା ଦୁଷ୍କର୍ମ ଓ ହତ୍ୟା ଘଟଣା ବିରୋଧରେ ମାସେ ହେଲାଣି ବିକ୍ଷୋଭ କରୁଛନ୍ତି ଡାକ୍ତର । ପ୍ରତିବାଦକାରୀ ଡାକ୍ତରମାନେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଚିଠି ଲେଖି ଏହି ଅବରୋଧ ଶେଷ କରିବାକୁ ତାଙ୍କ ସହ ଆଲୋଚନା କରିବାକୁ ଦାବି କରିଛନ୍ତି। ବିକ୍ଷୋଭକାରୀ ଜୁନିୟର ଡାକ୍ତରମାନେ ମୁଖ୍ୟମନ୍ତ୍ରୀ ସହିତ ପ୍ରସ୍ତାବିତ ବୈଠକ ପାଇଁ ସର୍ତ୍ତ ରଖିଛନ୍ତି, ଯେଉଁଥିରେ କୁହାଯାଇଛି ଯେ ଅନ୍ତତ ୩୦ ଜୁନିୟର ଡାକ୍ତରର ଏକ ଟିମ ରାଜ୍ୟ ସରକାର ଏବଂ ମୁଖ୍ୟ ଶାସନ ସଚିବଙ୍କୁ ଭେଟିବାକୁ ଯିବେ।

ଏହା ସହିତ ରାଜ୍ୟ ସରକାରଙ୍କୁ ଇମେଲ ମାଧ୍ୟମରେ ସୂଚନା ଦିଆଯାଇଥିଲା ଯେ ଏହି ବୈଠକ କେବଳ ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ଅନୁଷ୍ଠିତ ହେବ। ବନ୍ଦ କୋଠରୀ ପରିବର୍ତ୍ତେ ଏକ ଖୋଲା ମଞ୍ଚରେ ଏହି ସଭା ଅନୁଷ୍ଠିତ ହେବା ଉଚିତ୍‌ ଏବଂ ଗଣମାଧ୍ୟମ ପ୍ରତିନିଧୀମାନେ ମଧ୍ୟ ଉପସ୍ଥିତ ରହିବା ଉଚିତ୍‌, ଯାହାଫଳରେ ସମଗ୍ର ବାର୍ତ୍ତାଳାପ ସିଧା ପ୍ରସାରଣ ହୋଇପାରିବ।