ଭୁବନେଶ୍ୱର (ବଡ଼ ଖବର ବ୍ୟୁରୋ): ଡିଜିପି ସମ୍ମିଳନୀରେ ଆତଙ୍କୀ ଆକ୍ରମଣ ପାଇଁ ଧମକ ।ଆସନ୍ତାକାଲି ଆତଙ୍କୀ ଆକ୍ରମଣ ପାଇଁ ପନ୍ନୁର ଧମକ । ସାମ୍ବାଦିକ ଅକ୍ଷୟ ସାହୁଙ୍କୁ ଧମକପୂର୍ଣ୍ଣ ମେଲ୍ ।ଏକ ଧମକପୂର୍ଣ୍ଣ ଅଡିଓ ଆସିଥିବା ମଧ୍ୟ ସୂଚନା । ଅଡିଓ ମେସେଜରେ ଭୁବନେଶ୍ୱର ଏୟାରପୋର୍ଟକୁ ଟାର୍ଗେଟ । ଆସନ୍ତାକାଲି ଭୁବନେଶ୍ୱର ବିମାନବନ୍ଦରରୁ ଉଡ଼ାଣ ନ ଭରିବାକୁ ଚେତାବନୀ । ଖଲିସ୍ତାନୀ ପତାକା ଉଡ଼ାଇଲେ ୨୫ ଲକ୍ଷ ପୁରସ୍କାର ଉଲ୍ଲେଖ । ଖଲିସ୍ତାନ ଆତଙ୍କୀ ଗୁରୁପତୱନ୍ତ ସିଂ ପନ୍ନୁର ଧମକ । ସକାଳ ୯ଟା ୪ରେ ଆସିଛି ଧମକପୂର୍ଣ୍ଣ ମେଲ୍ । ଆସିଥିବା ମେଲରେ ଓଡ଼ିଆରେ ମଧ୍ୟ ଲେଖାଯାଇଛି । ଧମକପୂର୍ଣ୍ଣ ମେଲ୍ ପରେ ଏତଲା । ଖଲିସ୍ତାନୀ ଆତଙ୍କୀର ଅଡିଓ ରିଲିଜ ପରେ ବଢ଼ିଲା ସୁରକ୍ଷା ବ୍ୟବସ୍ଥା । ତେବେ ଓଡ଼ିଶରା ବରିଷ୍ଠ ସାମ୍ବାଦିକ ଅକ୍ଷୟ ସାହୁଙ୍କୁ ଖଲିସ୍ତାନୀ ଆତଙ୍କୀ ପନ୍ନୁ ଦେଇଛି ଧମକ ପୂର୍ଣ୍ଣ ଇ-ମେଲ୍ । ତେବେ ଏନେଇ ସାମ୍ବାଦିକ ଥାନରେ ଏଫଆଇଆର ଦେଇଛନ୍ତି । ପନ୍ନୁ ପଠାଇଥିବା ଧମକପୂର୍ଣ୍ଣ ମେସେଜ ଓଡ଼ିଆରେ ଥିବା ନେଇ ବଢିଛି ସନ୍ଦେହ । ଖଲିସ୍ତାନୀ ଆତଙ୍କୀ ପନ୍ନୁ ଦେଇଥିବା ଧମକପୂର୍ଣ୍ଣ ମେସେଜରେ ଓଡ଼ିଆରେ ଥମ୍ବନେଲ୍ ଲେଖାଯାଇଛି ।
ପନ୍ନୁର ଅଡ଼ିଓକୁ ଓଡ଼ିଆରେ ଅନୁବାଦ ମଧ୍ୟ କରାଯାଇଛି । ରାଜ୍ୟରେ ଖଲିସ୍ତାନୀ ଆତଙ୍କୀଙ୍କ ଲିଙ୍କ ଥିବା ନେଇ ସଂଦେହ ଏବେ ଦୃଢୀଭୂତ ହୋଇଛି । କେଉଁଠୁ ଆସିଛି ଏହି ଧମକ ପୁର୍ଣ୍ଣ ଇମେଲ ତାହାର ଖୋଳତାଡ଼ ଚାଲିଛି । ପନ୍ନୁର ଧମକ ପୂର୍ଣ୍ଣ ଇ-ମେଲ୍ ପରେ ଲୋକସେବା ଭବନରେ ଚାଲିଥିବା ଡିଜିପି ସମ୍ମିଳନୀରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। କେନ୍ଦ୍ରୀୟ ସୁରକ୍ଷା ବ୍ୟବସ୍ଥା ଓ ଗୋଇନ୍ଦା ବିଭାଗକୁ ଆହୁରି ସଜାଗ ରହିବାକୁ କୁହାଯାଇଛି। ଲୋକସେବା ଭବନରେ ଚାଲିଛି ଡିଜିପି ସମ୍ମିଳନୀ। ଡିଜିପି ସମ୍ମିଳନୀର ଆଜି ଦ୍ୱିତୀୟ ଦିନରେ ସାମିଲ ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ଗୃହମନ୍ତ୍ରୀ ଅମିତ ଶାହ, NSA ଅଜିତ ଡୋଭାଲ। ଆଜି ସକାଳେ ଯୋଗ ସେସନରୁ ଡିଜିପି କନଫରେନ୍ସ ଆରମ୍ଭ ହୋଇଛି। ସମ୍ମିଳନୀରେ ରହିଛି ବିଜନେସ ସେସନ, ବ୍ରେକ ଆଉଟ୍ ସେସନ, ଥିମାଟିକ୍ ଡାଇନିଂ ଟେବୁଲ ସେସନର ନୂଆ ବ୍ୟବସ୍ଥା। ଯେଉଁଥିରେ ଖାଇବା ଟେବୁଲରେ ବି ଭିନ୍ନ ଭିନ୍ନ ବିଷୟ ଭିତ୍ତିକ ଆଲୋଚନା ହେବ। ଯାହାଦ୍ୱାରା ଆଭ୍ୟନ୍ତରୀଣ ସୁରକ୍ଷା, ଜରୁରିକାଳୀନ ସ୍ଥିତିରେ ଆଇନଶୃଙ୍ଖଳା ବଜାୟ ରଖିବା ଭଳି ସ୍ଥିତି ନେଇ ବରିଷ୍ଠ ପୁଲିସ ଅଧିକାରୀମାନେ ପ୍ରଧାନମନ୍ତ୍ରୀଙ୍କ ଆଗରେ ନିଜର ବହୁମୂଲ୍ୟ ମତ ରଖିବେ।
