ମାଟିରେ ମିଶିଲା ୩ ଆତଙ୍କବାଦୀଙ୍କ ଘର
ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଉ ୩ ଆତଙ୍କବାଦୀଙ୍କ ଘର ଉଡ଼ାଇଲେ ସୁରକ୍ଷାକର୍ମୀ । କାଶ୍ମୀରରେ ମାଟିରେ ମିଶିଲା ଆଉ ୩ ଆତଙ୍କବାଦୀଙ୍କ ଘର । ସୋପିଆନ ଓ ପୁଲୱାମାରେ ୩ ଲସ୍କର ଆତଙ୍କୀଙ୍କ ଘର ମାଟିରେ ମିଶିଲା । ପହଲଗାମ ହମଲା ପରେ ଆତଙ୍କବାଦୀଙ୍କ ବିରୋଧରେ ଆକ୍ସନ । ଗତକାଲି ୨ ଆତଙ୍କୀର ଘର ଉଡ଼ାଇଥିଲେ ସୁରକ୍ଷାକର୍ମୀ । ଆକ୍ରମଣରେ ସମ୍ପୃକ୍ତି ଥିବା ଜମ୍ମୁକାଶ୍ମୀରର ଆତଙ୍କୀଙ୍କ ଠିକଣା ଖୋଜି ଖୋଜି ସେମାନଙ୍କ ଘର ଉଡାଉଛି ଭାରତୀୟ ସେନା । ଆତଙ୍କୀ ଲିଙ୍କ ଥିବା ଅଭିଯୋଗ ଆସିବା ପରେ ସାଙ୍ଗେ ସାଙ୍ଗେ କାର୍ୟ୍ୟାନୁଷ୍ଠାନ ନେଉଛନ୍ତି ଯବାନ । ଆଜି ଆଉ ୩ ଆତଙ୍କବାଦୀଙ୍କ ଘରକୁ ବିସ୍ଫୋରଣରେ ଉଡାଇ ଦିଆଯାଇଛି । ଘାଟିରେ ସକ୍ରିୟ ଆତଙ୍କବାଦୀଙ୍କ ଘରକୁ ବିସ୍ଫୋରଣରେ ଉଡାଇ ଦେଇଛନ୍ତି ଭାରତୀୟ ସେନା । ଏହସାନ ଅହମ୍ମଦ ଶେଖ୍, ସାହିଦ ଅହମ୍ମଦ କୁଟ୍ଟେ ଓ ଜାକିର ଗନୀର ଘରକୁ ମାଟିରେ ମିଶାଇ ଦିଆଯାଇଛି ।
ଜୁନ୍ ୨୦୨୩ରୁ ଲସ୍କରରେ ସକ୍ରିୟ କ୍ୟାଡର ଏହସାନ ଅହମ୍ମଦର ଦୁଇ ମହଲା କୋଠା ଭାଙ୍ଗି ଦିଆଯାଇଛି । ସେହିପରି ସାହିଦ ଅହମ୍ମଦ ଦୁଇ ବର୍ଷ ତଳେ ଲସ୍କରରେ ସାମିଲ ହୋଇଥିଲା । ଆଇଇଡି ବିସ୍ଫୋରଣରେ ୩ ଆତଙ୍କବାଦୀଙ୍କ ଘରକୁ ଉଡାଇ ଦିଆଯାଇଛି । ପୁଲୱାମା, ସୋପିଆନ୍, କୁଲଗାମରେ ଆତଙ୍କୀ ଘର ଧୂଳିସାତ୍ କରାଯାଇଥିବା ବେଳେ ଗତକାଲି ୨ ଆତଙ୍କୀଙ୍କ ଘର ଭାଙ୍ଗିଥିଲେ ସୁରକ୍ଷାକର୍ମୀ । ଆତଙ୍କବାଦୀ ଆଦିଲ ହୁସେନ ଥୋକର ଏବଂ ଆତଙ୍କବାଦୀ ଆଶିଫ ଶେଖ୍ ର ଘରକୁ ବି ଭାଙ୍ଗିଥିଲେ ସୁରକ୍ଷାକର୍ମୀ । ବିଜବେହରା ଏବଂ ତ୍ରାଲରେ ଥିବା ଘରକୁ ଭାଙ୍ଗିଥିଲେ ସୁରକ୍ଷାକର୍ମୀ । ସେପଟେ ସେନା ପକ୍ଷରୁ କାଶ୍ମୀରରେ ଘରକୁ ଘର ବୁଲି ସର୍ଚ୍ଚ ଅପରେସନ୍ ଜାରି ରହିଛି ।