(ଅ!)ସମ୍ମାନ..ଟ୍ରେଜେରିରେ ସିଲ୍

ରାୟଗଡ଼ (ବଡ଼ ଖବର ବ୍ୟୁରୋ):  ରାୟଗଡ଼ ପୌର ପରିଷଦର ଉପାଧ୍ୟକ୍ଷାଙ୍କ ବିରୋଧରେ ଆଗତ ଅନାସ୍ଥା ପ୍ରସ୍ତାବ ଉପରେ ମତଦାନ ପରେ ପରେ ନିରାଶ ହୋଇଥିବା ବିଜେଡି ଶେଷକୁ କୋର୍ଟରୁ ରହିତା ଦେଶ ଆଣିବାରେ ସକ୍ଷମ ହୋଇ ଆଶ୍ୱସ୍ତ ହେବାକୁ ପଡ଼ିଛି । ମତଦାନ ପରେ ବିଜେଡିର (ଅ!)ସମ୍ମାନ ଟ୍ରେଜେରିରେ ସିଲ୍ ହୋଇ ରହିଛି । କୋର୍ଟ ନିଦେ୍ର୍ଦଶ ପରେ ହିଁ ଟ୍ରେଜେରିରେ ବନ୍ଦ ଥିବା ବିଜେଡିର ଭାଗ୍ୟ ଖୋଲିବ । ତେବେ ରୋଚକ ସ୍ଥିତି ହେଲା ୨୫ ବର୍ଷର ଅପ୍ରତିଦ୍ୱନ୍ଦ୍ୱୀ ନେତା, ବିଶ୍ୱସ୍ତରୀୟ ସୁନାମ ଆଣିଥିବା

ନବୀନ ପଟ୍ଟନାୟକଙ୍କୁ ଚାଲେଞ୍ଜ୍ ଦେଇଦେଲେ ବରିଷ୍ଠ ନେତା ଏନ୍.ଭାସ୍କର ରାଓ । ବିଜେଡି ଚିହ୍ନରୁ ବିଜେତା ଉପାଧ୍ୟକ୍ଷାଙ୍କ ବିରୋଧରେ ପ୍ରଥମେ ଅନସ୍ଥା ପ୍ରସ୍ତାବ ଆଣିଲେ । ନିର୍ବାଚନ ମଧ୍ୟ କରାଇଦେଲେ । ବିଜେଡିକୁ ନିଜ ଦଳର ଲୋକଙ୍କ ଉପରେ ଆଉ ଭରସା ପାଇଲା ନାହିଁ । ନିରାଶ ହୋଇ ହୁଇପ୍ର ଶରଣ ପଶିଥିଲେ । କିନ୍ତୁ ଯାହା ଜଣାପଡ଼ୁଛି ଦିନ ତମାମ ଛକାପନ୍ଝା ପରେ ଅନାସ୍ଥାରେ ପ୍ରସ୍ତାବରେ ଭୋଟ ଦେବାକୁ ଆସିଥିବା ୧୯ ଜଣ ମତଦାନ କେନ୍ଦ୍ରରେ ପହଞ୍ଚି ବିଜେଡିକୁ କି ପ୍ରକାର (ଅ!)ସମ୍ମାନ ଦେଲେ; ଯେଉଁଥିରେ ବିଜେଡି ଆଗତୁରା କୋର୍ଟ ରହିତାଦେଶ ପାଇଁ ପ୍ରାଣମୂର୍ଚ୍ଛା ଉଦ୍ୟମ କରି ସଫଳ ହୋଇଗଲେ । ତେବେ ଭୋଟ ପେଟି ଖୋଲିବା ପର୍ଯ୍ୟନ୍ତ ଇଜ୍ଜତ ବଞ୍ଚିଗଲା ।