ଅଭିନେତା ଧର୍ମେନ୍ଦ୍ରଙ୍କ ମୃତ୍ୟୁ ଖବର ଗୁଜବ

ମୁମ୍ବାଇ (ବଡ଼ ଖବର ବ୍ୟୁରୋ): ବଲିଉଡର ବିଶିଷ୍ଟ ଅଭିନେତା ଧର୍ମେନ୍ଦ୍ର ଦେଓଲଙ୍କର ପରଲୋକ ଘଟିଥିବା ଖବର ପ୍ରସାରିତ ହେବା ପରେ ଏହି ଖବରକୁ ଖଣ୍ଡନ କରିଛନ୍ତି ତାଙ୍କ ଝିଅ ତଥା ଅଭିନେତ୍ରୀ ଇଶା ଦେଓଲ। ବରିଷ୍ଠ ଅଭିନେତାଙ୍କ ମୃତ୍ୟୁ ନେଇ ମଙ୍ଗଳବାର ଅନେକ ଗଣମାଧ୍ୟମରେ ପ୍ରସାରିତ ହୋଇଥିଲା।

ତେବେ ଇଶା ଦେଓଲ ଏହାକୁ ଖଣ୍ଡନ କରି କହିଛନ୍ତି, ଗଣମାଧ୍ୟମ ଗୁଡ଼ିକ ଅଧିକ ପ୍ରଚାର କରି ମିଛ ଖବର ପ୍ରସାର କରୁଥିବା ପରି ମନେ ହେଉଛି। ମୋ ବାପା ସ୍ଥିର ଅଛନ୍ତି ଏବଂ ସୁସ୍ଥ ହେଉଛନ୍ତି। ଆମେ ସମସ୍ତଙ୍କୁ ଆମର ପରିବାରର ଗୋପନୀୟତା ରଖିବାକୁ ଅନୁରୋଧ କରୁଛୁ। ବାପାଙ୍କ ଶୀଘ୍ର ସୁସ୍ଥତା ପାଇଁ ପ୍ରାର୍ଥନା ପାଇଁ ଧନ୍ୟବାଦ।   ବର୍ତ୍ତମାନ ଭେଣ୍ଟିଲେଟର ସପୋର୍ଟରେ ଅଛନ୍ତି ଧର୍ମେନ୍ଦ୍ର । ଗତ ସପ୍ତାହରେ, ତାଙ୍କୁ ନିୟମିତ ଯାଞ୍ଚ ପାଇଁ ସମାନ ହସ୍ପିଟାଲରେ ଭର୍ତ୍ତି କରାଯାଇଥିଲା।