ଆଜିବି ସରଗରମ ରହିବ ବିଧାନସଭା

ଭୁବନେଶ୍ୱର (ବଡ଼ ଖବର ବ୍ୟୁରୋ): ସୁରୁଖୁରୁରେ ଚାଲିପାରୁନି ବଜେଟ୍ ଅଧିବେଶନ। ବିରୋଧୀ ଚାଷୀଙ୍କ ପ୍ରସଙ୍ଗରେ ଗୃହରେ ଅଚଳାବସ୍ଥା ଜାରି ରଖିଛନ୍ତି । ବାଚସ୍ପତି ସର୍ବଦଳୀୟ ବୈଠକ ଡାକି ମଧ୍ୟ ଆଲୋଚନା କରି ଥିଲେ ସୁଦ୍ଧା ଗୃହ କାର୍ଯ୍ୟ ସ୍ଵାଭାବିକ ହୋଇପାରି ନାହିଁ । ଆଉ ଏହାରି ଭିତରେ ପ୍ରଶ୍ନକାଳ କି ଶୂନ୍ୟକାଳ ଗୋଟେ ଦିନ ବି ଚାଲି ପାରିନାହିଁ । ଆଜି ପ୍ରଶ୍ନକାଳରେ ଇଲୋକ୍ଟ୍ରୋନିକ ଓ ସୂଚନା ପ୍ରଯୁକ୍ତି, ଅର୍ଥ, ଗୃହ, ସ୍ବାସ୍ଥ୍ୟ ଓ ପରିବାର କଲ୍ୟାଣ, ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ଏବଂ ସଂସଦୀୟ ବ୍ୟାପାର ଭଳି ବିଭାଗର ରହିଛି ଆଲୋଚନା । ଶୂନ୍ୟକାଳରେ ରାଜ୍ୟସ୍ବାର୍ଥ ସମ୍ବଳିତ ପ୍ରସଙ୍ଗକୁ ଉଠାଇବା ପାଇଁ ବିଧାୟକ ସଜବାଜ ହୋଇଥିବା ବେଳେ ବିରୋଧୀ ଆଣିପାରନ୍ତି ମୁଲତବୀ ପ୍ରସ୍ତାବ। ଆଜିଠାରୁ ଗୃହରେ ବଜେଟ ଉପରେ ସାଧାରଣ ଆଲୋଚନା ହେବା ପାଇଁ ଧାର୍ଯ୍ୟ କରାଯାଇଛି ।