ଇସ୍ରାଏଲ ହମାସ ଯୁଦ୍ଧ, ଗଲାଣି ୩୧ ସମ୍ବାଦିକଙ୍କ ଜୀବନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବେଳକୁ ବେଳ ରକ୍ତମୁଖା ସାଜୁଛି ଇସ୍ରାଏଲ । ଗାଜାରେ ଜୋରଦାର ଅପରେସନ । ହମାସର ୬ଶହରୁ ଅଧିକ ସ୍ଥଳୀ ଉପରେ ହମଲା କରିଛଇ ଇସ୍ରାଏଲ। ଯୁଦ୍ଧରେ ଏପର୍ଯ୍ୟନ୍ତ ପ୍ରାୟ ୯,୦୦୦ଲୋକଙ୍କର ମୃତ୍ୟୁ ହେଲାଣି । ଏହି ଯୁଦ୍ଧରେ ବହୁ ସଂଖ୍ୟକ ଖବରଦାତା ମଧ୍ୟ ନିହତ ହୋଇଛନ୍ତି। ଅକ୍ଟୋବର ୭ ରୁ ଆରମ୍ଭ ହୋଇଥିବା ଏହି ଯୁଦ୍ଧରେ ଏପର୍ଯ୍ୟନ୍ତ ୩୧ ଜଣ ଖବରଦାତାଙ୍କର ମୃତ୍ୟୁ ଘଟିଛି। ଖବରଦାତାମାନଙ୍କୁ ସୁରକ୍ଷା ଦେବା କମିଟି (ସିପିଜେ) ଏହି ପରିସଂଖ୍ୟାନ ପ୍ରକାଶ କରିଛି।

ନିହତ ଖବରଦାତାମାନଙ୍କ ମଧ୍ୟରେ ୨୬ ପାଲେଷ୍ଟାଇନର, ୪ ଇସ୍ରାଏଲର ଏବଂ ଜଣେ ଲିବାନନର ଅଛନ୍ତି। ଏହା ବ୍ୟତୀତ ଏହି ଯୁଦ୍ଧରେ ୮ ଜଣ ଖବରଦାତା ଆହତ ହୋଇଛନ୍ତି। ଖବର ଅନୁଯାୟୀ, ୯ ଜଣ ଖବରଦାତା ନିଖୋଜ କିମ୍ବା ଅଟକ ଅଛନ୍ତି। ଏଥିସହ ଖବରଦାତାମାନଙ୍କୁ ଗିରଫ କରାଯାଇ ଭୟଭୀତ କରାଯାଉଛି। ନିହତ ହୋଇଥିବା ୩୧ ଖବରଦାତାଙ୍କ ମଧ୍ୟରୁ ୨୬ ଜଣଙ୍କର ଗାଜାରେ ମୃତ୍ୟୁ ଘଟିଛି। ଏଥିମଧ୍ୟରୁ ଇସ୍ରାଏଲ ଉପରେ ହମାସ ଆକ୍ରମଣରେ ୪ ଜଣଙ୍କର ମୃତ୍ୟୁ ଘଟିଛି।