![](https://i0.wp.com/badakhabar.in/wp-content/uploads/2020/11/Blooddonation-camp.jpg?fit=750%2C400&ssl=1)
ଖଇରା(ବଡ଼ ଖବର ବ୍ୟୁରୋ): ରାଜ୍ୟ ସରକାରଙ୍କ କଳା, ସଂସ୍କୃତି ଓ ମାନବ ସମ୍ବଳ ବିଭାଗର ରାଜ୍ୟ ସମ୍ପାଦକ ଶଶୀକୁମାର ସାହୁ ଜନ୍ମଦିନକୁ ନିଆରା ଢଙ୍ଗରେ ପାଳନ କରିଛନ୍ତି ସମ୍ପର୍କ ଫାଉଣ୍ଡେସନର କର୍ମକର୍ତ୍ତା । ଏହି ଅବସରରେ ବାଲେଶ୍ୱର ଜିଲ୍ଲା ଖଇରା ବ୍ଲକ ଗଣ୍ଡିବେଡ଼ ହାଇସ୍କୁଲ ପରିସରରେ ଆୟୋଜିତ ହୋଇଥିଲା ରକ୍ତଦାନ ଶିବିର । ଏଥିରେ ୫୫ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା।
ଫାଉଣ୍ଡେସନର ଅଧ୍ୟକ୍ଷ ଦୀପକ କୁମାର ପ୍ରଧାନଙ୍କ ନେତୃତ୍ୱରେ ଅନୁଷ୍ଠିତ ଶିବିରରେ ରକ୍ତ ଭଣ୍ଡାରର ଅଧିକାରୀ ଡାକ୍ତର ବସନ୍ତ କୁମାର ଉପାଧ୍ୟାୟ ରକ୍ତ ସଂଗ୍ରହ କରିଥିଲେ । ଫାଉଣ୍ଡେସନର ସମ୍ପାଦକ ଆଶୁତୋଷ ନାୟକଙ୍କ ସମେତ କବିତା ନାୟକ, ପ୍ରକାଶ ପ୍ରଧାନ, ସୁଦର୍ଶନ ରାଜ, ବିକାଶ ପ୍ରଧାନ, ଆଶିଷ ବିଶ୍ୱାଳ, ଜ୍ଞାନରଞ୍ଜନ ଘଡେଇ ପ୍ରମୁଖ ଶିବିରରେ ସହଯୋଗ କରିଥିଲେ ।