ଆସ୍କା (ବଡ଼ ଖବର ବ୍ୟୁରୋ): ପୂର୍ବ ଶତ୍ରୁତାକୁ କେନ୍ଦ୍ର କରି ମରଣାନ୍ତକ ଆକ୍ରମଣ । ଗଞ୍ଜାମ ଜିଲ୍ଲା ଆସିକା ଥାନା ମଙ୍ଗଳପୁର ଗାଁରେ ଏଭଳି ଘଟଣା ସାମ୍ନାକୁ ଆସିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଦେବଭୂମ ଗାଁର ତିନି ଜଣ ଯୁବକ ନଵରତ୍ନପୁର ଗାଁର ବନମାଳୀ ଗୌଡକୁ ଆକ୍ରମଣ କରିଥିଲେ । ଏକ ବର୍ଷ ପୂର୍ବେ ବନମାଳୀ ଗୌଡ ର ପୁଅ ମୁନା ଗୌଡ ଦେବଭୂମି ଗାଁର କାଳିଆ ଗୌଡ ସହିତ ବଚସା ହୋଇଥିଲା ।
ଏହାକୁ କେନ୍ଦ୍ର କରି ବନମାଳୀକୁ ଆକ୍ରମଣ କରିଥିବା ଜଣାପଡ଼ିଛି । ଘଟଣାର ଖବର ପାଇ ଆସିକା ପୋଲିସ ପହଁଚି ବନମାଳୀଙ୍କୁ ଆସିକା ସବଡିଭିଜନ ମେଡିକାଲକୁ ପଠାଇଛି । ସେପଟେ ଏନେଇ ଆସିକା ଥାନାରେ ଲିଖିତ ଅଭିଯୋଗ କରାଯାଇଛି । ପୋଲିସ ଆକ୍ରମଣକାରୀକୁ ଧରିବା ପାଇଁ ତଦନ୍ତ ଆରମ୍ଭ କରିଥିବା ଜଣାପଡିଛି ।
